1986—1991 წლებში მუშაობდა საქართველოს გეოლოგიურ-გეოფიზიკური ექსპედიციაში ინჟინერ-გეოლოგად. იყო გაზეთ "საქართველოს" კორესპონდენტი, გაზეთ "ერისიონის" მთავარი რედაქტორის მოადგილე. 1994—1996 წლებში მსახურობდა საქართველოს შინაგანი ჯარების მთავარ სამმართველოში უფროსი ლეინტენანტის წოდებით. 1996—2004 წლებში იყო ჟურნალ "ცისკრის" კრიტიკის განყოფილების გამგე. შემდეგ "იმედი-ჰოლდინგის" ჟურნალ "იმიჯის" ლიტერატურული თანამშრომელი. ამასთან სხვადასხვა ტელეკომპანიებისთვის ("რუსთავი-2" და "მზე") თარგმნიდა მხატვრულ ფილმებს რუსულიდან და ინგლისურიდან. 2004-2009 წლებში ჟურნალ "ლიტერატურული პალიტრის" მოწვეული რედაქტორი. 2009-2010 წლის იანვრამდე თავდაცვის სამინისტროს ჟურნალ "სამხედროს" რედაქტორი. 2007 წელს იყო თბილისის საკრებულოს ლიტერატურული კონკურსის – "გალას" ჟიურის წევრი. პირველი მოთხრობა "ტყის კაცი" გამოქვეყნდა ჟურნალ "ცისკრის" დამატება "ნობათში". გამოცემული აქვს რომანების, პიესებისა და თარგმანების ოცამდე წიგნი. მისი პიესების მიხედვით დადგმულია სპექტაკლები საქართველოს სხვადასხვა თეატრებში, ასევე ტელევიზიასა და რადიოში. მ. მოსულიშვილის ნაწარმოებები თარგმნილია სხვადსხვა ენებზე და მათ დამსახურებული აქვთ ლიტერატურული პრემიები, როგორც საქართველოში, ისე მის ფარგლებს გარეთ.

• 2012 - ლიტერატურული კონკურსი "ლიტბუნიობა" (პრემია)
  მოთხრობისათვის "მერვე ტყვია"
• 2011 - თბილისის საკრებულოს ლიტერატურული პრემია "გალა", წლის საუკეთესო სამაგიდო წიგნი (პრემია)
  ბიოგრაფიული რომანისათვის "ვაჟა–ფშაველა"
• 2007 - ლიტერატურული კონკურსი "ხერთვისი" (პრემია)
• 2006 - ლიტერატურული კონკურსი "ფორმულა-ნლო"-2006 (დიპლომი და პრემია)
• 2005 - საერთაშორისო ლიტერატურული კონკურსი "ბეკარი", "ჯაზი და როკ-მუსიკა: პროზა" (პრემია)
  მოთხრობისათვის "ურაკპარაკი"
• 2003 - ინტერნეტული ჟურნალი "კვალი" (პრემია)
  პიესისთვის "მხიარული დამბაჩა"
• 1998 - საქართველოს მწერალთა კავშირის პრემია
  პიესისათვის "თეთრი ლაშქარი"
• 1998 - თბილისის მერიის ახალგაზრდობის საქმეთა თბილისის სამმართველოსა და წიგნის მოყვარულთა კავშირ "ბესტსელერის" ლიტერატურული კონკურსი (პრემია)
  რომანისათვის "უჟამო ჟამის რაინდი"
• 1991 - საქართველოს კულტურის სამინისტრო (პრემია)
  პიესისათვის "მეცამეტე ექსპერიმენტული"
• 1989 - საქართველოს კულტურის სამინისტრო, პრემია
  პიესისათვის "ხვალ პრემიერაა"
• 1987 - საქტელერადიო კომიტეტი (პრემია)
  რადიო პიესისათვის "ტყის კაცი"

• ფრენა უკასროდ : რომანი (ავტორი). - თბილისი, გუმბათი-2007, 2011. - 214გვ.. - ISBN: 978-9941-0-3160-1
• ბენდელა, ანუ რაინდი მინდორზე, რაინდი ბრძოლის ველზე... : დოკუმენტური რომანი (ავტორი). - თბილისი, საარი, 2003. - 296გვ.. - ISBN: 99928-39-69-4
• უჟამო ჟამის რაინდი : რომანი-მენიპეა (ავტორი). - თბილისი, ბესტსელერი, 1999. - 399გვ.
• სივრცე ვერტიკალში : მოთხრობები (ავტორი). - თბილისი, მერანი, 1997. - 236გვ.
• გველი მოვკალ უფლისათვის : ქართული შელოცვები (შემდგენელი). - თბილისი, "ილია", 1992. - 214გვ.
• მთვარიანი დღის ფრესკები : მოთხრობები (ავტორი). - თბილისი, მერანი, 1990. - 183გვ.
• ტყის კაცი : პიესა (ავტორი). - თბილისი, კულტურის სამინისტროს სარეპერტუარო - სარედაქციო კოლეგია, 1988. - 30გვ.
• http://www.nplg.gov.ge/bios/ka/00000534/