გონერ (კონერი?)  ადეიშვილი  დაიბადა 1968  წლის  7  ოქტომბერს  სოხუმის  რაიონის  სოფელ  ახალშენში.

    სკოლის  დამთავრების  შემდეგ  მუშაობა  დაიწყო   სოფლის  კოოპერატივში.,მალევე  დაოჯახდა  და  შეეძინა  ქალიშვილი.ცხოვრება  წინ  მიოდიოდა  , მაგრამ  საუბედუროდ  1992  წელს   აფხაზეთში  ომი  დაიწყო   და  გონერი  ჩადგა  სამშობლოს  დამცველთა  რიგებში.  მსახურობდა  საქართველოს  რესპუბლიკის  თავდაცვის  სამინისტროს  მე-2 საარმიო  კორპუსის  23-ე  მექანიზებული  ბრიგადის  მე-8  ბატალიონის  I ასეულში  ყუმბარმტყორცნელად.

 გონერ   ადეიშვილი  აქტიურად  მონაწილეობდა  ასეულის  მიერ  წარმოებულ  საბრძოლო  ოპერაციებში. იბრძოდა  ცუგუროვკის  სიმაღლის  დასაცავად.  1993  15-16  მარტს  მოწინაღმდეგის  მიერ  ქალაქ  სოხუმზე  განხორციელებული  მორიგი  შემოტევის  დროს  პოზიციების  დაბომბვისას  გონერი  მძიმედ  დაიჭრა  და  სამხედრო  ჰოსპიტალში  მკურნალობდა.

  1993  წლის  16  სექტემბერს  მტერმა  კვლავ  დაარღვია  სამშვიდობო  ხელშეკრულება და  შემოუტია  მძიმე  ტექნიკის  დარჩენილ  სოხუმს. გონერი  კვლავ  დადგა  ქვეყნისთვის  თავდადებულ  მებრძოლთა  გვერდით. მოუშუშებელი  ჭრილობის  მიუხედავად, თავისი ყუმბარმტყორცნით სოფელ  თავისუფლებასთან  მიმდინარე  სისხლისმღვრელ   ბრძოლებში  უზრუნველყოფდა  ასეულის ზურგის  უსაფრთხოებას. ამ  შეტაკებებში გონერმა   არნახული  გმირობის  მაგალითი  უჩვენა, გადაარჩინა   არაერთი  თანამებრძოლი, გაანადრურა  მტრის  ტექნიკა.

     1993  წლის  20  სექტემბერს  გმირი  ვაჟკაცი  დაიღუპა  თავისი  სახლის  სიახლოვეს,ვიემში.

 საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის, ვაჟკაცობისა  და  თავგანწირვისათვის  გონერ  ადეიშვილს, სიკვდილის  შემდეგ,მიენიჭა  ვახტანგ  გორგასლის  III  ხარისხის  ორდენი.