მაიორი თათარიშვილი ალექსანდრე მიხეილის ძე საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადაში ჩაირიცხა 1992 წლის 18 ნოემბერს, (ბრძანება N306), ბრიგადის განსაკუთრებული ქვეგანყოფილების ოპერრწმუნებულის თანამდებობაზე. საომარი მოქმედებების დროს გამოავლინა მობილიზებულობა და ორგანიზატორული თვისებები. აქტიურ მონაწილეობას ღებულობდა როგორც შტაბის, ასევე ბატალიონების მიერ ჩატარებულ ყველა საბრძოლო-სადაზვერვო ოპერაციაში.
მაიორი თათარიშვილი ალექსანდრე მიხეილის ძე გაფორმებული იყო ოპერრწმუნებულად, მაგრამ სინამდვილეში მუშაობდა გამომძიებლად. აწარმოებდა ტყვეების დაკითხვასა და სხვადასხვა საკითხების გამოძიებას. 1993 წლის 15-16 მარტის შემოტევის დროს დაიჭრა თავში. მკურნალობას გადიოდა თბილისის რესპუბლიკურ საავადმყოფოში. მკურნალობის შემდეგ დაუბრუნდა თავისი მოვალეობების შესრულებას.
1993 წლის 16 სექტემბერს საბრძოლო დავალების შესრულების დროს ა. თათარიშვილი დაიღუპა. ცხედარი გამოასვენა ბრიგადის განსაკუთრებული ქვეგანყოფილების უფროსის მოვალეობის შემსრულებელმა ა. ბოკუჩავამ.
დაკრძალულია გულრიფშის რაიონის სოფელ ბაბუშერაში 1993 წლის 21 სექტემბერს.
წყარო მარინა ნაჭყებია დაიბადა სოხუმში 1956 წლის 24 დეკემბერს