აჩიკო (ჯაყო) დევრისაშვილი არჩილის ძე დაიბადა 01 იანვარი 1979 წელი თბილისში, ცხოვრობდა კოჯორი გარდაიცვალა 27 ივლისი 2023 წელი, ბახმუტი უკრაინა
უკრაინაში 35 წლის აჩიკო დევრისაშვილი ბახმუტთან საჰაერო თავდასხმას შეეწირა, არიან დაჭრილებიც.
ცნობილი ხდება, რომ ქართველი და უკრაინელი ჯარისკაცები თანამებრძოლის გამოყვანის პროცესში თავდასხმის შედეგად დაიჭრნენ. გარდაცვლილი ქართველი მებრძოლი უკრაინული ბატალიონის 28-ე ბრიგადის ერთ-ერთი დანაყოფის “შავი არწივის" მეთაური იყო. მეომარი შიდა ქართლიდან უკრაინაში ომის დაწყების დღიდან იბრძოდა.
აჩიკო დევრისაშვილის თანამებრძოლი:
"გუშინ საღამოს უკრაინელი და ქართველი მებრძოლები ბახმუტის მიმართულებაზე ერთ-ერთი დასახლების ასაღებად შევიდნენ, ისინი წარმატებით ახორციელებდნენ ოპერაციას, რა დროსაც დაბომბვაში მოყვნენ - საარტილერიო არმიამ განახორციელა საჰაერო იერიში და სწორედ ამ დროს დაიღუპა ქართველი ჯარისკაცი. აჩიკოს გამოყვანას ცდილობდნენ მისი თანამებრძოლები, რა დროსაც მათ ჭურვის ნამსხვრევები მოხვდათ და 5 ქართველი და 3 უკრაინელი ჯარისკაცი დაიჭრა.
ყველა მათგანი ბრძოლის ველიდან გამოყვანილია, მათ შორის გარდაცვლილი ჯარისკაციც. ამჟამად ყველა დაჭრილი თავს კარგად გვრძნობს. აჩიკო უკრაინული ბატალიონის ერთ-ერთი დანაყოფის -"შავი არწივის" მეთაური იყო. ის შიდა ქართლიდან უკრაინაში ომის დაწყების დღიდან იბრძოდა. ძალიან დიდი დანაკლისია, გამოცდილი მებრძოლი და ვაჟკაცი ბიჭი იყო აჩიკო“.
არჩილ დევრისაშვილი ამჟამად პროზექტურაშია დასვენებული. მას თანამებრძოლები ჯერ უკრაინაში, ერთ-ერთ ტაძარში დაასვენებენ და, სავარაუდოდ, მომდევნო კვირაში შიდა ქართლში ჩამოასვენებენ.
28 ივლისი 2023 წელი
14 წლის იყო პირველად აფხაზეთის ომში რომ გაიპარა 1993 წელს, პირველად მოაბრუნეს და მერე ისევ მალევე გაიპარა და იმის მერე ყველა ბრძოლაში აქვს მიღებული მონაწილეობა, მონაწილეობას იღებდა უკრაინაში მიმდინარე საბრძოლო მოქმედებეში 2014 წელს.
არჩილ დევრისაშვილი, 2008 წლის რუსეთ-საქართველოს ომის მონაწილეა. იბრძოდა მეოთხე ბრიგადის საარტილერიო დივიზიონში. დარჩა მშობლები, მეუღლე, ორი ვაჟი და ახალმოვლენილი შვილიშვილი.
