ნანობაშვილი ვანო უშანგის ძე(18 დეკემბერი 1965-4 ივლისი 1993) სიღნაღის რ-ნის სამხედრო კომისარიატის რეზერვის ოფიცრების აღრიცხვისა და გაწვევის სექტორის უფროსი ლეინტენატი დაიღუპა საბრძოლო მოქმედებების დროს სოფ. შრომასთნ აფხაზეთში. დაკრძალულია სოფ. ვაქირში

"როცა ამ სტრიქონებს ვწერ, სიღნაღში (ვაქირი) ერთ კაი ყმას დასტირიან. დედოფლისწყაროელი ჩემი მეგობრებიც ჭირისუფლებში ტრიალებენ. ქიზიყელები ხომ ლხინშიც ერთად არიან და ჭირიც საერთო აქვთ. ვანო ნანობაშვილი სიღნაღის რაიონის სამხედრო კომისარიატის მესამე განყოფილების უფროსი იყო. მას ევალებოდა სხვების ჯარში გაწვევა, მაგრამ თვითონ წავიდა აფხაზეთში და სამშობლოს შეეწირა.

ჯემალ ქურხული, გაზეთი საქართველოს რესპუბლიკა, 1993 წლის ივლისი."

აგუძერასთან (გულრიფშის რაიონი) გამართული ბრძოლების დროს, ვანო სადაზვერვო ასეულის მეთაურად მსახურობდა. მტერმა ჩვენი მებრძოლები ალყაში მოაქცია, რა დროსაც მან თავი გადადო და ჯავშანტრანსპორტიორით დაჭრილების გამოყვანა დაიწყო. ყველა გადაარჩინა და ბოლოს როცა თვითონაც აპირებდა ცეცხლის ხაზიდან გამოღწევას, სწორედ მაშინ მიიღო მძიმე ჭრილობები (ჭურვის ნამსხვრევები).

ის 5 ივლისის გამთენიისას, სოფელ შრომაში (სოხუმის რაიონი) გარდაიცვალა.

დარჩა მეუღლე (ლაურა) და ორი მცირეწლოვანი შვილი (მაკა (4 წლის) და მარი (3 წლის)). წელს მის უმცროს ქალიშვილს ვაჟი შეეძინა, რომელსაც მშობლებმა პაპის ხსოვნის საპატივსაცემოდ ვანიკო დაარქვეს.

წყარო ლაშა სირანაშვილი