საპატრიარქოს არქივში დაცულია მრავალი საინტერესო სამუშაო ვარიანტი, რომლებიც გერბის შექმნის პროცესში მზადდებოდა. თითოეულის წამყვანი თემა წმინდაგიორგია. გერბის ესკიზზე მუშაობდნენ ალექსანდრე სარჩიმელიძე, ემირ ბურჯანაძე, ჯემალ ლოლუა, ელგუჯა ამაშუკელი, გურამ ბუჩუკური, ელგუჯა ბერძენიშვილი (საქართველოს საპატრიარქოს არქივი. საქაღალდე №1676. დოკუმენტი №10646. თემა №106, №19). მხატვართა ჯგუფი საქართველოს კათალიკოს-პატრიარქის კონსულტაცით ხელმძღვანელობდა. მხატვრებს თავიდანვე კონკრეტული ამოცანა ჰქონდათ, ჰერალდიკური კომპოზიციის მთავარი ფიგურა დიდმოწამე მხედარი უნდა ყოფილიყო.

მრავალი ნამუშევრიდან საპატრიარქოს სამხატვრო საბჭომ აირჩია ესკიზი, რომლის ავტორი იყო გურამ ბუჩუკური. გურამ ბუჩუკური (1933-1986 წწ.) 1952-58 წლებში სწავლობდა თბილისის სამხატვრო აკადემიაში. მისი პედაგოგი, თეიმურაზ ყუბანეიშვილთან ერთად, იყო იოსებ შარლემანი. 1958-63 წლებში მუშაობდა კინოსტუდია ”ქართულ ფილმში” დეკორატორად, მულტიპლიკატორად, მთავარ მხატვრად. მისი ინიციატივით 1961 წელს კინოსტუდიაში დაიწყო დიაფილმების წარმოება. 1963-80 წლებში მუშაობდა თბილისის სახელმწიფო სამ- ხატვრო აკადემიაში უფროს მასწავლებლად. ასწავლიდა საგნებს: შრიფტი, კომპოზიცია, ქსილოგრაფია, ოფორტი, ლინოგრავიურა. აქტიური მონაწილეობა მიიღო ახალი კათედრის სამრეწველო გრაფიკის — ჩამოყალიბების საქმეში.

1982 წლის იანვარში აკურთხეს დიაკვნად, ორი თვის შემმღვდლად და მიანიჭეს მღვდელ-მონაზონის წოდება. ამავე დროს მუშაობა დაიწყო საქართველოს საპატრიარქოში მხატვარ-რესტავრატორად, ხუთი თვის შემდეგ კი, 1982 წლის 28 აგვისტოს, საქართველოს კათალიკოს-პატრიარქის ილია მეორის ბრძანებით, საქართველოს ეკლესიაში თავდადებული სამსახურისათვის, საპატრიარქოს სამხატვრო საბჭოს თავმჯდომარე მღვდელ-მონაზონი დავითი (ბუჩუკური) აღყვანილ იქნა იღუმენის, ხოლო 1984 წლის იანვარში კი არქიმანდრიტის ხარისხში (საქართველოს საპატრიარქოს არქივი, თემა №11, დოკუმენტი №11223, ფურც. 8, 16-20).

დაკრძალულია წყნეთის სამოქალაქო სასაფლაოზე მშობლების გვერდით.

მამა ალექსი დიმიტრის ძე ბუჩუკური დაბ. გორი 1902-1986წწ იყო საქართველოში მეხილეობის ფუძემდებელი. წარმომავლობა 

ინფორმაცია მოგვაწოდა ლევან ბუჩუკურმა