არამ ესტატეს ძე ტყებუჩავა დაბადებულია 1947 წელს. საშუალო სკოლის დამთავრების შემდეგ სამხედრო სავალდებულო სამსახურში გაიწვიეს. დემობილიზაციის შემდეგ სწავლა განაგრძო ქალაქ ომსკის მილიციის უმაღლეს სკოლაში. სასწავლებლის დასრულების შემგომ 1974 წელს მუშაობა დაიწყო გულრიფშის რაიონის შსს განყოფილებაში. საქმეზე შეყვარებული პოლიციელი, სანიმუშო მუშაობისათვის, მალე უფროსი ინსპექტორის თანამდებობაზე დააწინაურეს.  

1975-1987წლებში რაიონული განყოფილების ინსპექტორი იყო. 1987-1988წლებში სამორიგეო ნაწილის უფროსი ინსპექტორი.

1988-1990 წლებში გულრიფშის რაიონის შინაგან საქმეთა რაიონული განყოფილების საგამოძებო ჯგუფის ხელმძღვანელი, 1990-1992 წლებში სოხუმის სამმართველოს შტაბის უფროსი, 1992 წლიდან გარდაცვალებამდე ამავე სამმართველოს უფროსი.

სანიმუშო სამსახურისთვის პოლიციის ვიცე პოლკოვნიკის საპატიო წოდება მიენიჭა.

აფხაზეთში მიდინარე საომარ მოქმედებებში, არამ ტყებუჩავა უყოყმანოდ დადგა სამშობლოს დამცველთა გვერდით.

45 წლის ვიცე პოლკოვნიკი არამ ტყებუჩავა დაიღუპა 1992 წლის 29 ნოემბერს, აფხაზ სეპარატისტებთან მორიგი შეტაკების დროს. დაკრძალულია გულრიფშის რაიონში.

არამ ტყებუჩავას დარჩა მეუღლე და ქალ ვაჟი.