19 მაისი 2026წ. 9_სამოქალაქო, ხოლო 2-იაგო ბზიკაძე და გულვერ გაგუა სამხედრო პირი გახლავთ.
გულვერ არჩილის-ძე გაგუა დაიბადა 1947 წლის 27 აპრილს, გულრიფშის რაიონის სოფელ პირველ ვარჩეში. აფხაზეთში შეიარაღებული კონფლიქტის დროს ირიცხებოდა 23-ე მექანიზებული ბრიგადის V მოტომსროლელი ბატალიონის I ასეულის რიგებში. 1993 წლის 29 სექტემბერს, გულვერ გაგუა, ოჩამჩირის რაიონის სოფელ ოჯიბინეში, აფხაზ სეპარატისტებთან შეტაკებისას დაიღუპა. მისი ცხედარი ბრძოლის ველზე იქნა დაკრძალული.
იაგო ბენიას-ძე ბზიკაძე 1971 წლის 22 თებერვალს, წყალტუბოს რაიონში დაიბადა. აფხაზეთში საბრძოლო მოქმედებების დროს ირიცხებოდა საქართველოს შეიარაღებული ძალების (ამჟამად თავდაცვის ძალები) 21-ე მექანიზებულ ბრიგადაში. 1993 წლის 24 სექტემბერს, სოხუმში, ახალ რაიონში, ერთ-ერთი შეტაკების დროს დაიღუპა და მას შემდეგ, უგზო-უკვლოდ დაკარგულად ითვლებოდა.
იაგო ბზიკაძეს და გულვერ გაგუას, მათი ოჯახების გადაწყვეტილებით, საგვარეულო სასაფლაოებზე დაკრძალავენ. ქვეყნის ტერიტორიული მთლიანობისთვის ბრძოლის ველზე დაცემული ორივე მებრძოლი, სამხედრო პატივით დაიკრძალება.
