დაამთავრა თბილისის სარკინიგზო ტექნიკუმი მიმოსვლის გზათა ტექნიკოსის კვალიფიკაციით 1933 წელს.

1934 წლიდან სამხედრო სამსახურს გადიოდა სარკინიგზო ჯარებში. იყო ოცეულის მეთაური, ტექნიკური სადგურის ბატალიონის უფროსი; 1939 წელს დაამთვრა მეთაურთა კვალიფიკაციის ხუთთვიანი კურსები. მეორე მსოფლიო ომის მონაწილე 1942 წლიდან; ასრულებდა ბრიანსკის ფრონტის სარკინიგზო ჯარების შტაბის ხიდების უფროსი ინჟინრის მოვალეობას; 1942 წელს მაიორის წოდებით დაინიშნა 82-ე სამშენებლო-საგზაო სარკინიგზო ბატალიონის მეთაურად.

ომის დასასრულს პოლკოვნიკი ჟიჟილაშვილი იყო სარკინიგზო ბრიგადის მეთაური; შემდეგ სარკინიგზო ჯარებში გააგრძელა სამსახური; 1950 წელს დაამთავრა სამხედრო-სატრანსპორტო აკადემია; იყო მე-4 და მე-7 სარკინიგზო კორპუსების მეთაურის მოადგილე; პირველი სარკინიგზო კორპუსის მეთაური; 1964-1973წწ. სარკინიგზო ჯარების შტაბის უფროსი; 1973 წლიდან, გენერალ-ლეიტენანტის წოდებით გადაყვანილ იქნა ტექნიკური სამსახურის თადარიგში. დაჯილდოებულია ორდენებითა და  16 მედლით; ცხოვრობდა მოსკოვში; მისი სახელი მიკუთნებული აქვს ქუჩებს ციმბირსა და უკრაინაში.

წყარო: ვიკიპედია - თავისუფალი ენციკლოპედია : ru.wikipedia.org; საქართველოს არქიტექტორთა და მშენებელთა ენციკლოპედია. - თბ., 2017.-გვ.483-484

• 1943 - სოციალისტური შრომის გმირი
• წითელი ვარსკვლავის ორდენი
• ლენინის ორდენი
• სამამულო ომის II ხარისხის ორდენი
• სამამულო ომის I ხარისხის ორდენი