სწავლობდა ქუთაისის გიმნაზიაში. 1996 წელს ნოვოროსიის უნივერსიტეტის (ოდესა) ფიზიკა-მათემატიკის ფაკულტეტის საბუნებისმეტყველო განყოფილებაზე შევიდა, შემდეგ სამედიცინო ფაკულტეტზე გადავიდა. 1906 წლიდან პეტერბურგის უნივერსიტეტის იურდიულ ფაკულტეტზე სწავლობდა.

1905 წლიდან აქტიურად მონაწილეობდა თბილისის საზოგადოების ორგანიზაციის ბოლშევიკური ფრაქციის არალეგალურ მუშაობასა და გამოსვლებში. ამავე წლის ნოემბერში მის სახლში ჩატარდა კავკასიის ბოლშევიკების საიდუმლო ყრილობა ი. სტალინის მონაწილეობით. 1906 წლის I ნახევარში გადავიდა ბაქოში და იქ განაგრძო არალეგალური მუშაობა. 1907-1910წწ. პეტერბურგში იყო და მონაწილეობდა ქართველი სათვისტომოს მოღვაწეობაში. 1911 წლიდან ქუთაისში იყო და თბილისის გამოცემებში ბეჭდავდა იუმორისტულ ლექსებსა და ფელეტონებს. 1914 წელს საცხოვრებლად გადმოვიდა თბილისში. ეწეოდა პედაგოგიურ მოღვაწეობას, იყო "სახალხო სახლის" თეატრის რეჟისორი და მსახიობი. განაგრძობდა ლიტერატურულ მოღვაწეობას. 1919 წელს თაგუნას ხელმოწერით გამოქვეყნდა მისი "თხზულებანი", 1926 - "თამარ ცბიერი", 1933 - საბავშო კრებული "ხორთუმი მაქვს, მაგრამ სპილო არა ვარ", 1921 წელს შოთა რუსთაველის სახელობის თეატრში დაიდგა მისი პიესა "ავგაროზი", 1924 წელს მის მიერ ინსცენირებული დ. კლდიაშვილის "სამანიშვილის დედინაცვალი", 1928 წელს გამოცემული "უცხო სიტყვათა ლექსიკონის" ერთ-ერთი რედაქტორი. საზოგადო მოღვაწე.

წყარო: ქართული საბჭოთა ენციკლოპედია: ტ.10.-თბ., 1986.-გვ.686;

http://dspace.nplg.gov.ge/handle/1234/132732

• ხორთუმი მაქვს, მაგრამ სპილო არა ვარ : საბავშვო (ავტორი). - ტფილისი, სახელგამის საბავშვო და ახალგ. სექტორი, 1933. - 32გვ.
• თამარ ცბიერი : იუმორისტული მოთხრობა (ავტორი). - ტფილისი, 1926. - 45გვ.
• თხზულებანი (ავტორი) // წ. 1 : მოთხრობები, ფელეტონები, ლექსები. - თბილისი, 1919. - 194გვ.
• http://www.nplg.gov.ge/bios/ka/00010193/