ქეთი ტოროტაძე (1959) დაიბადა ქალაქ თბილისში. დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1981 წელს; ამავე უნივერსიტეტის ასპირანტურა 1988 წელს; ფილოლოგიის მეცნიერებათა კანდიდატი (ამჟამად შეესაბამება დოქტორის ხარისხს).
მუშაობდა გამომცემლობა "საბჭოთა საქართველოში" რედაქტორად, უნივერსიტეტის საზღვარგარეთის ლიტერატურის ისტორიის კათედრაზე უფროს მეცნიერ-თანამშრომლად. კითხულობდა ლექციებს სხვადასხვა უმაღლეს სასწავლებლებში. 1989-1991 წლებში აქვეყნებდა სოციალურ-პოლიტიკური ხასიათის პუბლიკაციებს ქართულ პრესაში (გაზეთები "დედასამშობლო", "თბილისი", "მრგვალი მაგიდა - თავისუფალი საქართველო"). ნათარგმნი აქვს წიგნები ინგლისურიდან და რუსულიდან: უილიამ ს. მოემის "მოხატული ფარდა", ვაშინგტონ ირვინგის, ამბროზ ბირსის, დეივიდ ჰ. ლორენსის, მურიელ სპარკის მოთხრობები, ლოურენს გრინის "ძველი აფრიკის უკანასკნელი საიდუმლოებანი", ა. ვ. ჩაკლინის "მოგზაურობა საიდუმლოს ამოსაცნობად გრძელდება", ჩარლზ გალენკემპის "მაია - გამქრალი ცივილიზაციის საიდუმლო". 2011-2012 წლებში აქვეყნებდა სტატიებს ჟურნალში "ისტორიანი". არის რამდენიმე წიგნის ავტორი. მისი წიგნები:
"იმპერატორი ნაპოლეონი" (2013, https://saba.com.ge/books/details/1169)
"პოლონური ქრონიკები" (2013, https://saba.com.ge/books/details/1170)
"ინგლისური ლიტერატურის ისტორია" (2013, https://saba.com.ge/books/details/1171)
"თქმა მართლისა" (2015, https://saba.com.ge/books/details/2615)
"სიმბოლოები და ალეგორიები" (2016, http://saba.com.ge/books/details/4161)
"არჩილი" (2018, http://saba.com.ge/books/details/11358)
"ელექტრონული პორტრეტები" (2019, https://saba.com.ge/books/details/14771)
ელექტრონული ფორმით არის გამოქვეყნებული ელექტრონული წიგნების სახლში "საბა".
საკანდიდატო დისერტაცია თემაზე "ავტორის პოზიციის თავისებურება XX საუკუნის მხატვრულ პროზაში (ინგლისური და ამერიკული ლიტერატურის მასალაზე)" დაიცვა 1989 წელს.
ბიბლიოგრაფია
- ამერიკული მოთხრობები = American short stories : ანთოლოგია (მთარგმნელი) // 7-24გვ.. - თბილისი, ბაკურ სულაკაურის გამომცემლობა, 2011. - 397გვ.. - ISBN: 978-9941-15-293-1
- მოხატული ფარდა : რომანი (მთარგმნელი). - თბილისი, არსი, 1992. - 203გვ.
- Своеобразие позиции автора в художественной прозе XX века (на материале английской и американской литературы) : Автореф... канд. филол. наук 10.01.05 (ავტორი). - Тбилиси, 1989. - 24с.
- ძველი აფრიკის უკანასკნელი საიდუმლოებანი (მთარგმნელი). - თბილისი, საბჭ. საქართველო, 1987. - 262გვ.
- მოგზაურობა საიდუმლოს ამოსაცნობად გრძელდება : კიბოს გავრცელების გეოგრაფიული თავისებურება (მთარგმნელი). - თბილისი, საბჭ. საქართველო, 1984. - 288გვ.
- მაია - გამქრალი ცივილიზაციის საიდუმლო (მთარგმნელი). - თბილისი, საბჭ. საქართველო, 1981. - 266გვ.
- http://www.nplg.gov.ge/bios/ka/00008104/
