ზეინაბ სარია (1954) დაიბადა ქალაქ ზუგდიდში. დაამთავრა სოხუმის პედაგოგიური ინსტიტუტის ფილოლოგიის ფაკულტეტი 1975 წელს.

1975-2014 წწ. იყო ქ. ზუგდიდის N2 საჯარო სკოლის ქართული ენისა და ლიტერატურის მასწავლებელი, მეთოდგაერთიანების ხელმძღვანელი; 1996-2003 წწ. სამეცნიერო - ლიტერატურულ ჟურნალ "მაფშალიას" რედაქტორი; 2007-2015 წწ. შოთა მესხიას სასწავლო უნივერსიტეტის სამეცნიერო განყოფილების უფროსი, სამეცნიერო შრომათა კრებულის რედაქტორი; 2010 წლიდან ამავე უნივერსიტეტის ასოცირებული პროფესორი; ლექციებს კითხულობს უახლესი ქართული ლიტერატურის ისტორიაში, ლიტერატურის თეორიასა და ლიტერატურისმცოდნეობის შესავალში, სხვადასხვა არჩევით საგანში; ქართული ენისა და ლიტერატურის კათედრის გამგე (2006); სალიტერატურო ჟურნალთან "ებგური" ტერენტი გრანელის პრემიის დამაარსებელი. მონაწილეობა აქვს მიღებული არაერთი სამეცნიერო კონფერენციის მუშაობაში, განსაკუთრებით აქტიურობს ლიტერატურის ინსტიტუტის ეგიდით ჩატარებულ ლექსმცოდნეობის სესიებზე, გავლილი აქვს ათეულობით პროფესიული ტრენინგი; არის 80-ზე მეტი სამეცნიერო ნაშრომის ავტორი. მოსწავლეებთან შემოქმედებითი მუშაობისთვის თბილისის მოსწავლეთა სასახლის შემოქმედებითი სტუდიის მიერ დაჯილდოებულია  სიგელით (1983). ფილოლოგიურ მეცნიერებათა კანდიდატი (1996), ფილოლოგიურ მეცნიერებათა დოქტორი (2006), პროფესორი (2010).

1996 წელი - საკანდიდატო დისერტაციის  თემა - "გალაკტიონის ვერლიბრი", დაიცვა 1996 წელს; 2006 წელი - სადოქტორო დისერტაციის თემა - "გალაკტიონ ტაბიძის ინტიმურ-მედიტაციური და სამოქალაქო-პუბლიცისტური ლირიკა", დაიცვა 2006 წელს.

ორგანიზაციის, ასოციაციის ან ჯგუფის წევრი

ლიტერატურული სალონი, დამფუძნებელი, ხელმძღვანელი (1997-2005)

მოსწავლეთა შემოქმედებითი წრე "ფიფქები", დამაარსებელი, ხელმძღვანელი (1976-2000)

სალიტერატურო ჟურნალი "ებგური", დამაარსებელი, რედაქტორი (2018-)

შემოქმედებითი გაერთიანება "ებგური", დამფუძნებელი, წევრი (2017-)

ჯილდოები, პრემიები და პრიზები

1983 - სახალხო განათლების წარჩინებული

მოსწავლეებთან წარმატებული შემოქმედებითი მუშაობისთვის

ბიბლიოგრაფია

ჭრილობისფერი ლექსები (ავტორი). - თბილისი, უნივერსალი, 2015. - 106გვ.. - ISBN: 9789941225888

კონსტანტინე გამსახურდიას შემოქმედება და ექსპრესიონიზმი : მონოგრაფია (ავტორი). - თბილისი, უნივერსალი, 2009. - 146გვ.. - ISBN: 9789941124921

ორიოდე შტრიხი ოთარ ჭილაძის ლიტერატურული პორტრეტისთვის (ავტორი). - თბილისი, საარი, 2005. - 107გვ.. - ISBN: 9994038362

გალაკტიონ ტაბიძის ინტიმურ-მედიტაციური და სამოქალაქო-პუბლიცისტური ლირიკა : მონოგრაფია (ავტორი). - თბილისი, სახ. უნ-ტის გამ-ბა, 2003. - 284გვ.. - ISBN: 99940-13-53-X

ნარკვევები გალაკტიონის პოეზიაზე (ავტორი). - თბილისი, მნათე, 1996

გალაკტიონის ვერლიბრი : მონოგრაფია (ავტორი). - თბილისი, მნათე, 1996. - 152გვ.

ვინძლო მიხსნას ლექსმა : ლექსები, თარგმანები (ავტორი). - თბილისი, გულანი, 1992. - 52გვ.

წაკითხვა ნებადართულია : ლექსები (ავტორი). - თბილისი, მერანი, 1991. - 64გვ.

http://www.nplg.gov.ge/bios/ka/00014797/