ელგუჯა დავითის ძე ამაშუკელი (დ. 22 აპრილი, 1928, თბილისი ― გ. 10 მარტი, 2002)
— ქართველი მოქანდაკე, საქართველოს დამსახურებული მხატვარი (1965). საქართველოს მხატვართა კავშირის თავმჯდომარე (1981-1996 წწ.). თბილისის საპატიო მოქალაქე (1981).
დაბადების ადგილი: ქ. თბილისი.
დაამთავრა თბილისის სამხატვრო აკადემია 1955 წელს.
1955 წლიდან ეწეოდა შემოქმედებით საქმიანობას, ABI -ს და IBC -ს მიერ აღიარებულია 1998 წლის, 1999 წლის, 2000 წლის ადამიანად, მისი გვარი შეტანილია აშშ და Cambridge Biographical centre-ში 1997, 1998 წწ. მნიშვნელოვანი ნამუშევრებია: "ქართლის დედა" (1958), ვახტანგ გორგასლის ძეგლი (1959), დიდების მონუმენტი (1965), თბილისის მეტროპოლიტენის სადგური "რუსთაველის" პორტალის რელიეფი (1965), რელიეფები თბილისის შემოსასვლელებთან (1957-1958), ბარელიეფი "თბილისის 1500 წელი" (1958), ქანდაკება "რევოლუცია" (1966, ბრინჯაო), რ. ერისთავის (1974), ნ. ფიროსმანიშვილის (1975) ძეგლები.
წყარო: ქართული საბჭოთა ენციკლოპედია: ტ. 1.-თბ., 1975.-გვ.350
ორგანიზაციის, ასოციაციის ან ჯგუფის წევრი
- საქართველოს მეცნიერებათა აკადემია, წევრ-კორესპონდენტი (1996-2002)
- საქართველოს მხატვართა კავშირი, თავმჯდომარე (1981-1996)
ჯილდოები, პრემიები და პრიზები
- 1981 - თბილისის საპატიო მოქალაქე
- 1965 - საქართველოს დამსახურებული მხატვარი
- სსრკ სახალხო მხატვარი
- საქართველოს სახალხო მხატვარი
- იაკობ გოგებაშვილის სახელობის პრემია
- საქართველოს სახელმწიფო პრემია
- შოთა რუსთაველის სახელობის სახელმწიფო პრემია
- მემედ აბაშიძის სახელობის პრემია
- სსრკ სახელმწიფო პრემია
ბიბლიოგრაფია
- დრო და შემოქმედი (ავტორი). - თბილისი, მერანი, 2000. - 216გვ. - ISBN: 99928-16-84-8
- მეექვსე გრძნობა (ავტორი). - თბილისი, ხელოვნება, 1987. - 159გვ.
- წერილები ხელოვნებაზე (ავტორი). - თბილისი, ხელოვნება, 1983. - 131გვ.
- Шестое чувство (ავტორი). - Москва, Советский художник, 1981. - 143с.
ამაშუკელი აზნაურული გვარი იმერეთსა და ქართლში. ტახტის აზნაურები. მამულები ჰქონდათ ამაშუკეთში. ბეჟანა ამილახვრიშვილის ერთ ჩანაწერში ვკითხულობთ „მამეკელ, რომ მამივიდა ამაშუკელის ყმა არის, ჩვიდმეტი წელიწადია, ცარიელი ბიჭი იყო, ცოლი შევრთე, დავასახლე“. ამ გვარის ერთ–ერთი ცნობილი წარმომადგენელი ვასილ სოკრატეს ძე 1853 წელს პორუჩიკის წოდებით ჩარიცხეს ნოვოროსიისკის დრაგუნთა პოლკში. 1856 წელს გადაიყვანეს პერიასლავის დრაგუნთა პოლკში.
ამაშუკეთი (ყოფ. ციხისძირი[2], ამაშუკეთი[3]) — სოფელი საქართველოში, იმერეთის მხარის ხარაგაულის მუნიციპალიტეტში (ბორითის თემი). მდებარეობს მდინარე ძირულის მარცხენა მხარეს. ზღვის დონიდან 440 მეტრი. ხარაგაულიდან 32 კილომეტრი. სოფელში არის საშენი ქვის კარიერი, შუა საუკუნეების ორი ეკლესია.
