დემურ ბაშელეიშვილი 1943 წელი
ბიოგრაფია
დაბადების ადგილი: ქ. სამტრედია.
დაამთავრა თბილისის სამხატვრო აკადემიის ფერწერის ფაკულტეტი და მოსკოვის საერთაშორისო ურთიერთობათა სახელმწიფო ინსტიტუტის ჟურნალისტიკის ფაკულტეტი.
1973-1975წწ. გაზეთი "მალადიოჟ გრუზიის" კორესპოდენტი; 1975-1981წწ. სამეცნიერო-კვლევითი პროგრამებით მუშაობდა ავსტრიაში, პოლონეთში, გერმანიაში, ჩეხოსლოვაკიაში, რუსეთსა და ბელორუსში; 1976-1981წწ. გაზეთ "სოფლის ცხოვრების" განყოფილების გამგე; 1981-1987წწ. ჟურნალ "პარტიული სიტყვის", განყოფილების გამგე; 1990-2000წწ. გაზეთ "პეგასის" დამფუძნებელი, მთავარი რედაქტორი; 1992-2003წწ. საქართველოს სახელოვნებო აკადემიის რექტორი; 1994-1995წწ. დამასკოს საერთაშორისო გამოფენის საქართველოს ექსპოზიციის დირექტორი; 1995-2000წწ. საქართველოს ინტელექტუალთა ლიგა, პრეზიდენტი; საქართველოს მე-8 მოწვევის პარლამენტის კავკასიის საკითხთა კომისიის თავმჯდომარის მოადგილე, ტერიტორიული მთლიანობის აღდგენის საკითხთა დროებითი კომისიის წევრი, საგარეო ურთიერთობათა კომისიის წევრი, ფრაქცია "ქართული ოცნების" (2012-2013) და "ქართული ოცნება-მრეწველების" (2013-2016) წევრი. არის 400-ზე მეტი ფერწერული და გრაფიკული ნაწარმოების ავტორი, რომელთა დიდი ნაწილი ინახება მსოფლიოს 20-მდე ქვეყნის გალერერეებში, მუზეუმებსა და კერძო კოლექციებში. მისი მონუმენტური ნამუშევრები საქართველოს, ევროპისა და აზიის მრავალ ქალაქშია. არის 70 სამეცნიერო ნაშრომის, 10 გამოგონების, 500-ზე მეტი პუბლიკაციისა და ნარკვევის, პოეტური და პროზაული წიგნების ავტორი, 12 სამეცნიერო გამოკვლევის რედაქტორი. ხუთჯერ მიენიჭა პირველი პრემიის ლაურეატის და ორჯერ - "წლის საუკეთესო მხატვრის" საპატიო წოდებები; სახვითი ხელოვნების პროფესორი.
წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 87
ორგანიზაციის, ასოციაციის ან ჯგუფის წევრი
- ევროპის მეცნიერების, ხელოვნებისა და ჰუმანიტარულ მეცნიერებათა დეპარტამენტი (საფრანგეთი), თავმჯდომარე (2005-2011)
- საქართველოს დარგობრივ მეცნიერებათა აკადემიის პრეზიდენტთა საბჭო, თავმჯდომარე (2000-)
- საქართველოს მე-8 მოწვევის პარლამენტი, წევრი (2012-2016)
- საქართველოს მხატვართა კავშირი, თავმჯდომარე (2003-)
- საქართველოს მხატვართა ფედერაცია, თავმჯდომარე (2003-)
- საქართველოს ჰუმანიტარულ და სახელოვნებო მეცნიერებათა აკადემია, აკადემიკოსი, პრეზიდენტი (1995-)
- ქართული სწორმეტყველების აკადემიური საბჭო, თავმჯდომარე (2003-)
ჯილდოები, პრემიები და პრიზები
- 2003 - მედალი "მშვიდობიანი კავკასიისთვის"
- 2000 - ღირსების ორდენი
- ნიკო ფიროსმანის სახელობის პრემია
- საქართველოს დამსახურებული მხატვარი
ბიბლიოგრაფია
- პირველად საქართველოში (ავტორი). - თბილისი, პეგასი, 2006. - 54გვ.
- გაიხსენე მომავალი (ავტორი). - თბილისი, პეგასი, 2004. - 72გვ.. - ISBN: 99940-0-368-2
- მოგონებები მიხეილ დავითაშვილზე (ილუსტრატორი). - თბილისი, საქ. ჟურნალისტთა ფედერაცია, 1994. - 64გვ.
- ზესტაფონის ფეროშენადნობთა ქარხანა 50 : [ფოტოალბომი]= Зестафонский завод ферросплавов (ილუსტრატორი). - თბილისი, საბჭ. საქართველო, 1983. - 46გვ.