დაბადების ადგილი: ქ. თბილისი.

დაამთავრა თბილისის ილია ჭავჭავაძის სახელობის უცხო ენათა ინსტიტუტი, თბილისის  სახელმწიფო სამხატვრო აკადემიის მონუმენტური ფერწერის ფაკულტეტი 1971 წელს.

 მ. ბობოხიძე XX საუკუნის ქართველ მხატვართა შორის ერთ-ერთი გამორჩეული ხელოვანია. მისი ადრეული ნამუშევრები გამოირჩევა რომანტიული, ჩაფიქებული პერსონაჟებითა და მონასმის სისუფთავით. ხალხური მეტაფორული სახეები, ხატწერისათვის დამახასიათებელი მეოცნებე პერსონაჟები,  ოდნავ გადახრილი თავები, მაღალი ყელი, მოქმედების თამამი პოეტური მონტაჟი. პირველი პერსონალური გამოფენა თბილისში, საქართველოს ხელოვანთა სახლში 1973 წელს გაიმართა; შემდგომი გამოფენები: 1981 -  თბილისი, ეროვნული ბიბლიოთეკა; 1982 - რუსთავი, ქიმიკოსთა სახლი; 1983 - მოსკოვის, ხელოვნების მუშაკთა ცენტრალურ სახლსა და ლიტერატორთა ცენტრალურ სახლში; 1984 - მოსკოვის მ. ერმოლოვას სახ. თეატრსა და სამხატვრო აკადემიური თეატრ МХАТ-ში; 1985 - კატუარი, კულტურის სახლი; 1985 - დუბნა, მეცნიერების სასახლე; 1985 - ზელინოგრადი, კულტურის სახლი; 1986 - მოსკოვი, ა. ტიმირიაზევის სახ. სოფლის მეურნეობის აკადემია; 1986 - ეკატერინბურგი, ურალმაში, კულტურის სახლი;  1986 -  მოსკოვი, გამომცემლობა "Правда"; 70-80 წლებში მ. ბობოხიძე აღმოსავლეთ ევროპის ქვეყნებშიც გაიცნეს. მისი შემოქმედების შესახებ იწერებოდა სტატიები გერმანიის, პოლონეთის, რუმინეთის, უნგრეთის, ბულგარეთის ჟურნალებში.

იგი უცხო ქვეყნების დელეგაციებს საკუთარ ნამუშევრებს საჩუქრად აძლევდა. ასე მოხვდა მისი ნახატები საფრანგეთის, რუსეთის, გერმანიის, ესპანეთის, აშშ-ს, შვეციის, რუმინეთის, უნგრეთის, ბულგარეთის, პოლონეთის, კორეის კერძო კოლექციებში. მისი ნამუშევრები დაცულია არაერთ მუზეუმსა და კერძო კოლექციაში: საქართველოს სახელმწიფო გალერეაში, თბილისში, საქართველოს კულტურის სამინისტროს ფონდში, ეკატერინბურგის ხელოვნების სახელმწიფო მუზეუმში, მოსკოვის სამხატვრო აკადემიურ თეატრში, ჟურნალ "Советская женщина"-ს რედაქციაში(მოსკოვი), სსრკ-საფრანგეთის მეგობრობის საზოგადოების სახლში(პარიზი), სსრკ-პოლონეთის მეგობრობის საზოგადოების სახლში(ვარშავა). იგი ცნობილი ქართველი პოეტების კალე ბობოხიძისა და ვერა შუბლაძის ოჯახში დაიბადა. იყო ლადო გულიაშვილის ახლო მეგობარი, მუზა და მისი სამხატვრო ტრადიციების გამგრძელებელი. ფერმწერი, გრაფიკოსი, მხატვარი-მონუმენტალისტი. 2014 წელს ლემონ სტუდიოს მიერ გამოიცა მისი ფერწერული ნამუშევრების ალბომი: "მანანა ბობოხიძე = Manana Bobokhidze = Манана Бобохидзе."

• საქართველოს მხატვართა კავშირი, წევრი (1970-2011)
• სსრ კავშირის მხატვართა კავშირი, წევრი

• 2010 - გალაკტიონ ტაბიძის სახელობის პრემია
• 1987 - საქართველოს დამსახურებული მხატვარი

• მანანა ბობოხიძის ნამუშევრების ალბომი (ავტორი). - თბილისი, ლემონ სტუდიოს მიერ, 2014. - 272. - ISBN: 9789941064210