გია გუგუშვილი 1952
ბიოგრაფია
დაბადების ადგილი: ქ. თბილისი.
დაამთავრა თბილისის სახელმწიფო სამხატვრო აკადემია მხატვარ-ფერმწერის კვალიფიკაციით 1977 წელს.
სხვადასხვა წლებში მუშაობდა თბილისის მხატვრის სახლის ნატიფი ხელოვნების განყოფილების გამგედ, საქართველოს მხატვართა კავშირის გამგეობის მდივნად(1988), საქართველოს ფოსტაში "ქართული მარკის" დირექტორად; 2004-2006წწ. იყო თბილისის სახელმწიფო სამხატვრო აკადემიის პრორექტორი;
2006-2009წწ. თსსა სრული პროფესორი, სახვითი ხელოვნების ფაკულტეტის დეკანი; 2013 წელს კონკურსის შედეგად აირჩიეს სახვითი ხელოვნების ფაკულტეტის სრულ პროფესორად; 2014 წელს აირჩიეს თბილისის სახელმწიფო სამხატვრო აკადემიის რექტორად; მონაწილეობა აქვს მიღებული არა ერთ ადგილობრივ და საერთაშორისო პერსონალურ თუ ჯგუფურ გამოფენებში. მისი ნამუშევრები ინახება საქართველოს ეროვნული მუზეუმში, აჭარის ხელოვნების მუზეუმში(ბათუმი), აღმოსავლეთის მუზეუმში(მოსკოვი) კრისტოფ მერიანის ფონდში ბაზელში, ნორტონ დოდჯ მუზეუმში ფილადელფიაში, ასევე ქართულ და უცხოურ კერძო გალერეებში და კოლექციებში.
წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.63; vandaart.gallery
ჯილდოები, პრემიები და პრიზები
- 2014 - ორგანიზაცია "ქართული სული"-ს ჯილდო , ქართულ კულტურაში გაწეული ღვაწლისთვის
- 2007 - დუბაის არტ-სიმპოზიუმის გამარჯვებული
- 1994 - სახელმწიფო პრემია
- 1987 - ოსაკას საერთაშორისო სიმპოზიუმის გამარჯვებული
- 1986 - ბულგარეთის საერთაშორისო სიმპოზიუმის გამარჯვებული
- 1984 - მხატვართა საკავშირო გამოფენა(მოსკოვი), გამოფენის საუკეთესო მხატვარი