დაბადების ადგილი: სოფელი ბაკურციხე, გურჯაანის რაიონი.

ქ. მოსკოვში დაამთავრა "სოიუზმულტფილმთან“ არსებული მხატვარ-მულტიპლიკატორთა ორწლიანი კურსები 1962 წელს; რეჟისორთა და სცენარისტთა უმაღლესი კურსების კლასიკური ანიმაციის საფუძვლები 1989 წელს.

1958 წლიდან მუშაობდა კინოსტუდია "ქართული ფილმის“ მულტიპლიკაციური ფილმების გაერთიანებაში; იყო თბილისის სამხატვრო აკადემიის მედიახელოვნების ანიმაციური სტუდიის ხელმძღვანელი, პროფესორი; ხელმძღვანელობდა მხატვარ-ანიმნატორთა ჯგუფებს, რომლებიც თანამშრომლობდნენ გერმანიის ("Colange carton", "Penta TV"),

ესპანეთის ("CAMEVA Studio”) და თურქეთის ("Denge animation") ქვეყნებთან. ფილმი "ოპტიმისტური მინიატურა" შესულია Masimo Mazer-ის (იტალია) ალბომში, სადაც სპეციალური გვერდია მიძღვნილი. დამდგმელი რეჟისორია ფილმების: "ანი, ბანი და სხვანი"(ანიმაციური, 1989), "ორი პეპელა"(ანიმაციური, 2012); სცენარის ავტორია ფილმების: "ანი, ბანი და სხვანი"(ანიმაციური, 1989), "ორი პეპელა"(ანიმაციური, 2012); დამდგმელი მხატვარია ფილმების: "ოქრო"(ანიმაციური, 1966), "კაცი და ლომი"(ანიმაციური, 1969); ანიმატორია ფილმების: "წუნა და წრუწუნა"(ანიმაციური, 1955), "კონკურენცია“(ანიმაციური, 1970), "ჯადოსნური კვერცხი" (ანიმაციური, 1974), "უჩვეულო ნადირობა"(ანიმაციური, 1980), "სიზმარა"(ანიმაციური, 1986), "ანი, ბანი და სხვანი"(ანიმაციური, 1989) და სხვ.

წყარო: ეროვნული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი