ვახტანგ დუგლაძე (1916)
ბიოგრაფია
დაბადების ადგილი: სოფელი კლდეეთი, ზესტაფონის რაიონი.
დაამთავრა თბილისის სამხატვრო აკადემია 1943 წელს.
1943 წლიდან მონაწილეობს სამხატვრო გამოფენებში; 1946-1948წწ. მუშაობდა მოსკოვში ა. ქუთათელაძის სახელოსნოში; 1954-1959წწ. იყო საკავშირო სასოფლო-სამეურნეო გამოფენის, 1959-1964წწ. თავდაპირველად სახალხო მეურნეობის მიღწევათა საკავშირო გამოფენის საქართველოს პავილიონის, შემდეგ რესპუბლიკების პავილიონების მთავარი მხატვარი; 1964-1979წწ. საკავშირო საზოგადოება "ზნანიეს" საცდელი ექსპერიმენტული ფაბრიკის მთავარი მხატვარი და დირექტორის მოადგილე; ამ პერიოდში მისი ნახატების მთავარი თემატიკა იყო "მეცნიერული ციმბირი" და "კოსმოსის ათვისება საბჭოთა კავშირში"; აპროექტებდა ამ გამოფენებს, აწყობდა ექსპოზიციებს; ძირითადად მოღვაწეობს პეიზაჟისა და პორტრეტის ჟანრში; ნამუშევრები: "ახალგაზრდა პარტიზანის დაკითხვა" (1943), "გენერალი ლესელიძე ფრონტზე" (1945); სერიები: "შვეცია" (1972), "ამერიკის შეერთებული შტატები"(1976-1977), "იტალია" (1979); განსაკუთრებით აღსანიშნავია მის ნამუშევართა ვრცელი სერია "საქართველო" (1977-1986); ფერმწერი.
წყარო: საქართველო: ენციკლოპედია: ტ.2. - თბ., 2012. - გვ.502
ჯილდოები, პრემიები და პრიზები
- 1985 - საქართველოს სახალხო მხატვარი