ანა კალატოზიშვილი 1967
ბიოგრაფია
დაბადების ადგილი: ქ. თბილისი.
დაამთავრა თბილისის სახელმწიფო სამხატვრო აკადემიის თეატრის მხატვრობის ფაკულტეტი 1991 წელს.
არის ვენის გამოყენებითი ხელოვნების აკადემიის მაგისტრი სცენოგრაფიასა და ვიდეოარტში (ავსტრია, 1995). იყო მხატვრის ასისტენტი თბილისის ოპერისა და ბალეტის თეატრის სპექტაკლებისა: "ბალ-მასკარადი" (1986), "ცეცხლოვანი ანგელოზი" (1987); მხატვარი ბალეტებისა: "კოპელია" (2002), "ლურჯი ფრინველი" (2003); "დიდი ვალსი", "მატა ჰარი" (2004), "მძინარე მზეთუნახავი" (2004); სხვადასხვა თეატრების სპექტაკლებისა: "თავადის ქალი მაია" (ზუგდიდის თეატრი, 1987), "წეროს ფრთები" (კინომსახიობთა თეატრი, 1988), "სახლი საზღვარზე" (სამეფო უბნის თეატრი, 2001), "პატარა უფლისწული" (ვ. ანჯაფარიძის სახელობის თეატრი, 2005), "კავკასიური ცარცის წრე" (იტალია, 2005); სატირული სპექტაკლისა "პატარა უფლისწული" (1991-1999); თოჯინური ფილმისა "დიდების ზღაპარი" (1999); მხატვრული ფილმისა "მისტერიები" (2000); ტელეკომპანია "იმედის" რამდენიმე გადაცემის დამდგმელი მხატვარი; გაფორმებული აქვს საცხენოსნო შოუ (ჰოლანდია, 1989). 1998-2000წწ. კითხულობდა ლექციებს თბილისის სახელმწიფო სამხატვრო აკადემიაში. მიღბული აქვს მონაწილეობა მრავალ ჯგუფურ გამოფენაში; მისი პერსონალური გამოფენები გაიმართა ეროვნულ ბიბლიოთეკაში (თბილისი, 2000) და გალერეა "შარდენში" (თბილისი, 2003).
წყარო: ვინ ვინ არის საქართველოში: ქართული ბიოგრაფიული ცნობარი. – თბ., 2006.-გვ.239
ორგანიზაციის, ასოციაციის ან ჯგუფის წევრი
- მხატვართა კავშირი, წევრი