დაბადების ადგილი: ქალაქი შემახა, აზერბაიჯანი.

დაამთავრა თბილისის ინდუსტრიული ინსტიტუტის არქიტექტურის ფაკულტეტი 1936 წელს.

1936-1940წწ. ეწეოდა პედაგოგიურ მოღვაწეობას თბილისის ინდუსტრიულ ინსტიტუტში; მხატვრად მუშაობდა კინოსტუდიებში: "ქართული ფილმი"(1941-1946) და "მოსფილმი"(1946-1951). 1951-1954წწ. იყო საკავშირო სასოფლო-სამეურნეო გამოფენის საქართველოს სსრ პავილიონის მთავარი მხატვარი, 1954 წლიდან ისევ "ქართული ფილმის" მხატვარი, 1967-1971წწ. ამავე სტუდიის მთავარი მხატვარი. პარალელურად, 1958 წლიდან, საქართველოს სსრ სახალხო მეურნეობის  მიღწევათა გამოფენის მთავარი  მხატვარ-არქიტექტორი. ნამუშევრები: მონუმენტები "გონების აღმაფრენა"(1960-1961), "შემოქმედება" (1971, ორივე გამოფენის ტერიტორიაზე), საქართველოს სსრ სახალხო მეურნეობის მიღწევათა გამოფენის პავილიონი ქ. მოსკოვში(პროექტი, 1960, გ. ლეჟავასთან ერთად). გააფორმა კინოფილმები: "გიორგი სააკაძე"( 1-2 სერია, 1943, რ. მირზაშვილთან და მ. გოცირიძესთან ერთად), "დავით გურამიშვილი" (1946, ქ. ლებანიძესთან და ა. უტკინთან ერთად), "ფიცი"(1946), "სტალინგრადის ბრძოლა" (1-2 სერია, 1949), "ოთარაანთ ქვრივი"(1958), "აბეზარა" (1956), "ორი ოკეანის საიდუმლოება" (1956), "მე ვიტყვი სიმართლეს" (1957), "შეხვედრა მთაში" (1966), "ტარიელ გოლუა" (1968) და სხვ.

წყარო: ქართული საბჭოთა ენციკლოპედია: ტ. 6.-თბ., 1983.-გვ.393; ქართული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი
• სკკპ , წევრი (1954-)

• 1967 - საქართველოს სახალხო მხატვარი
• 1950 - სსრკ სახელმწიფო პრემია
  ფილმის ''სტალინგრადის ბრძოლა'' (1-2 სერია) გაფორმებისთვის
• საპატიო ნიშნის ორდენი
• საქართველოს ხელოვნების დამსახურებული მოღვაწე