ავთანდილ პოპიაშვილი (დ. 25 მაისი, 1944-2012) — ქართველი პოლიტიკოსი.
დაამთავრა თბილისის ივანე ჯავახიშვილის სახელობის სახელმწიფო უნივერსიტეტი. 1970-1977 წლებში იყო საქართველოს რესპუბლიკის მეცნიერებათა აკადემიის ფილოსოფიის ინსტიტუტის ასპირანტი, უმცროსი, უფროსი მეცნიერ-თანამშრომელი, 1977 წლიდან კი შეთავსებით თბილისის ივანე ჯავახიშვილის სახელობის სახელმწიფო უნივერსიტეტის, საქართველოს ტექნიკური უნივერსიტეტის ლექტორი. 1990-1991 წლებში იყო საქართველოს რესპუბლიკის უზენაესი საბჭოს წევრი საარჩევნო ბლოკი „მრგვალი მაგიდა — თავისუფალი საქართველოდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).
ბიოგრაფია
დაბადების ადგილი: ქ. დედოფლისწყარო.
დაამთავრა თბილისის სახელმწიფო სამხატვრო აკადემიის ფერწერის განყოფილება 1976 წელს.
1976-1992 წწ. იყო ი. ნიკოლაძის სახელობის სამხატვრო სასწავლებლის პედაგოგი; 1989 წლიდან თბილისის სახელმწიფო სამხატვრო აკადემიის ფერწერის კათედრის თანამშრომელი; 1996 წლიდან საქართველოს მხატვართა კავშირის ფერწერის სექციის თავმჯდომარე. არის ავტორი ნამუშევრებისა: "ბერიკების ქორწილი" (1985), "ლაშარობის დღესასწაული თუშეთში" (1989), ფერწერული და გრაფიკული სერია "ნატურმორტები ყვავილებით" (1985-1998), "გაცილება" (1985), "პასტორალი" (1986), "იერუსალიმში შესვლა" (1995), "იმერეთი" (1995), "მედეა და იაზონი (1998) და სხვა; ილუსტრატორი წიგნებისა: აკ. წერეთელი "ბაშიაჩუკი", ვ. ცირეკიძე "მთვარეული". გამართული აქვს პერსონალური გამოფენები: "არტ გალერეაში" (ტალინი, 1991), კულტურის ცენტრში "მზიური" (მოსკოვი, 1991). 1967 წლიდან მონაწილეობდა საქართველოსა და საზღვარგარეთ გამართულ გამოფენებში, მათ შორის: საქართველოს სსრ სახვითი ხელოვნება (მოსკოვი, 1987), "იმპულსები: დიურერი, გოეთე, ფიროსმანი" (თსსა მუზეუმი, 1995), პარიზი, იუნესკო (1996), საბერძნეთი თანამედროვე ქართულ ხელოვნებაში, სეგ (თბილისი, 1998) და სხვა. მისი ნამუშევრები დაცულია საქართველოს, რუსეთის, საფრანგეთის, საბერძნეთის, მუზეუმებსა და კერძო კოლექციებში. მიღებული აქვს სახელმწიფო ჯილდოები.
წყარო: ვინ ვინ არის საქართველოში: ქართული ბიოგრაფიული ცნობარი. – თბ., 2006.-გვ.390; თანამედროვე სახვითი ხელოვნების პორტალი: art.gov.ge
ორგანიზაციის, ასოციაციის ან ჯგუფის წევრი
- საქართველოს მხატვართა კავშირი, წევრი (1976-)