დაბადებისა ადგილი: ქ. ხონი.

სწავლობდა მოსე თოიძის სახალხო სამხატვრო სტუდიაში 1922-1924წწ.; თბილისის სახელმწიფო კონსერვატორიაში ვოკალის განხრით; დაამთავრა თბილისის ეკონომიკური ტექნიკუმი 1924 წელს; თბილისის სამხატვრო აკადემია 1929 წელს. 

1934 წლიდან ფერწერას ასწავლიდა აკადემიაში; 1924 წლიდან იგი უკვე ყველა რესპუბლიკური გამოფენის მონაწილეა, ენერგიულად მუშაობს მხატვართა ასოციაციებში, მხატვართა კავშირის გამგეობებში; მას გაფორმებული აქვს კინოფილმები: "დარიკო", "ქალი მწვანეში"; ასევე ოპერისა და ბალეტის თეატრში: "კარმენი", "დაისი", "მთების ძახილი", "დედა და შვილი"; რუსთაველის თეატრში: "ტირიფის ქვეშ"; მარჯანიშვილის თეატრში: "კოლმეურნეს ქორწინება", "შამილი". ქუთაისის თეატრში: "ოტელო", "გუშინდელნი", "კიკვიძე"; ბათუმის თეატრში: "ფოლადაური", "პური"; მონაწილეობა აქვს მიღებული საზღვარგარეთ გამართულ გამოფენებშიც, კერძოდ პოლონეთის დედაქალაქ ვარშავაში; მნიშვნელოვანია მისი, როგორც პედაგოგის როლი, ახალგაზრდა ქართველ მხატვართა აღზრდასა და ჩამოყალიბების საქმეში; მისი მოსწავლეები იყვნენ გამოჩენილი მხატვრები: გ. თოიძე, გ. თოთიბაძე, გ. ჯაში და სხვები; მისი ნამუშევრები გამოფენილია საქართველოს სახელმწიფო ლიტერატურის მუზეუმში, სახელმწიფო თეატრალურ მუზეუმში, შოთა რუსთაველის სახელობის დრამატული თეატრის მუზეუმში, ზაქარია ფალიაშვილის სახელობის ოპერისა და ბალეტის თეატრში, აჭარის ავტონომიურ მუზეუმში, სანქტ-პეტერბურგის სახელმწიფო მუზეუმში; მისი ნაშრომებიდან განსაკუთრებით ცნობილია "მებაღე" და "სინგაპურის საზამთროები", რომლებიც 2007 წელს ბირმინგენის(აშშ) აუქციონზე იქნა წარდგენილი და საიდუმლო მყიდველის მიერ უცნობ ფასად შეძენილი; იგი ასევე არის რამოდენიმე პოეტური კრებულის ავტორი; ფერმწერი.

წყარო: მამულიშვილთა სავანე. - თბ., 1994. - გვ.320; Sputnik-საქართველოს ვებსაიტი: sputnik-georgia.com

• 1977 - შოთა რუსთაველის სახელობის სახელმწიფო პრემია
• 1964 - საქართველოს სახალხო მხატვარი
• საპატიო ნიშნის ორდენი

• სიმღერით მოვალ : ლექსები (ავტორი). - თბილისი, საბჭ. საქართველო, 1988. - 159 გვ.
• მზე და ფერები : ლექსები (ავტორი). - თბილისი, მერანი, 1975. - 95გვ.
• ლექსები (ავტორი) // წ. 1. - ტფილისი, სტ. პოლიგრაფსკოლა, 1927. - 31გვ.