დაბადების ადგილი: ქ. თბილისი.

დაამთავრა თბილისის IV მუსიკალური სასწავლებელი 1974 წელს(საფორტეპიანო), ვანო სარაჯიშვილის სახელობის თბილისის სახელმწიფო კონსერვატორია(საკომპოზიციო) 1979 წელს, ხოლო საკომპოზიციო ფაკულტეტი 1987 წელს.

1996-1997წწ. სტაჟირება გაიარა BBC ტელერადიო კომპანიაში რადიომენეჯმენტის განხრით; 1979-1985წწ. იყო საქართველოს ფილარმონიის პიანისტი-სოლისტი, კონცერტმაისტერი, პარალელურად, 1979-1981წწ. თბილისის კონსერვატორიასთან არსებული ექსპერიმენტული სკოლის კონცერტმაისტერი; 1982-1986წწ. თბილისის საცირკო-საესტრადო სასწავლებლის პედაგოგი(ფორტეპიანო); 1985-1987წწ. საქართველოს საესტრადო სიმფონიური ორკესტრის დირექტორი, 1987-1990წწ. საქართველოს სიმფონიური ორკესტრის დირექტორი, 1990-1993წწ. საქართველოს ტელერადიო სიმფონიური საესტრადო ორკესტრის მომღერალი; 1995-1997წწ. რადიო "ევრიკა"-ს მუსიკალური გადაცემის წამყვანი და რედაქტორი; 2000-2006წწ. თბილისის II მუსიკალური სასწავლებლის საესტრადო განყოფილების პედაგოგი; 2004-2010წწ. თბილისის ხელოვნების ინსტიტუტის პედაგოგი, 2009 წლიდან ასოცირებული პროფესორი; თხზულებები: მიუზიკლი "ჩარლის დეიდა"(1988, პრემიერა, ცხინვალი), სიმფონია "Momento patriam!"(2012, პირველი შესრულება), ინსტრუმენტული კონცერტები - საფორტეპიანო(1990), საფორტეპიანო "ამაღლება"(2012, პირველი შესრულება ქუთაისში), სავიოლინო(2012, პირველი შესრულება, სამ ნაწილიანი), საფორტეპიანო კონცერტშტუკი "Deja Vu"(2012, პირველი შესრულება), საფორტეპიანო ციკლი "ეთნომანია"(2012, პირველი შესრულება), საფორტეპიანო სონატა(1992, პირველი შესრულება), სიმებიანი კვარტეტი N1(2014, პირველი შესრულება), საფორტეპიანო კვინტეტი(2013), ტრიო კლარნეტის, ვიოლინოსა და ფორტეპიანოსათვის(2015), სიმღერები, რომანსები(100-ზე მეტი), მათ შორის: "სადა ხარ", "გჯეროდეს", "თოლია", "ჩემო თბილისო", "ვაკელები", "ფიროსმანი", "მეგონა მიყვარდი", "შორეული ზღაპარი"; გასტროლები: რუსეთი, აშშ, ინგლისი, გერმანია, ყაზახეთი; პიანისტი - იმპროვიზატორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 447

• საქართველოს კომპოზიტორთა კავშირი, წევრი

• 2014 - წლის საუკეთესო კვარტეტი, III პრემია

ტატიშვილი
გვარის ფუძეა საკუთარი სახელი ტატა, ტატია.
„გოგია ტატიშვილი, იგივე ფეიქრიშვილი, ოჯახის წევრებთან ერთად მოიხსენიება ვარდისუბანში, 1823 წლის აღწერაში”.
„მანგლისის მთავარეპისკოპოსი ათანასე ტატიშვილი მოიხსენიება 1619 წელს სვიმონ მეორის მიერ გაცემულ წყალობის წიგნში”.
ამავე ძირისაა გვარები – ტატაშვილი, ტატალაშვილი, ტატანაშვილი, ტატიკაშვილი, ტატიური, ტატუაშვილი, ტეტელოშვილი, ტეტუნაშვილი.
ქართველების გრიგორიანული წესით მონათვლის გამო, ზოგ ადგილას, ისტორიულ წყაროებში დაფიქსირებულია, რომ ტატიშვილები ტატინიანად ჩაუწერიათ.
ტატიშვილი აზნაურული გვარია.
საქართველოში 1 612 ტატიშვილი ცხოვრობს: თბილისში – 980, გორში – 169, მცხეთაში –  99. არიან სხვაგანაც.