დაამთავრა თბილისის სამხატვრო აკადემია პლაკატის სპეციალობით (პედაგოგები: იოსებ შარლემანი, ვლადიმერ გრიგოლია, სამსონ ნადარეიშვილი, სერგო ქობულაძე) 1955 წელს.

1950-იანი წლებიდან სისტემატურად თანამშრომლობდა რესპუბლიკის ჟურნალებში: "ნიანგი", "დილა", "პიონერი", "ცისკარი", "დროშა", "პირიმზე", "საქართველოს ქალი"; მას ეკუთვნის ლიტერატურული ჟურნალების: "ცისკარი", "ლიახვი", "კრიტიკა" გარეკანის შრიფტები; 1956 წლიდან მთელი თავისი შემოქმედების მანძილზე მუშაობდა წიგნის გრაფიკაში და ამ დარგის ერთ-ერთ წამყვან ოსტატად ითვლებოდა; 1958 წელს მხატვართა ჯგუფთან ერთად (დ. დონდუა, ნ. მალაზონია) მონაწილეობა აქვს მიღებული ქ. მოსკოვში გამართულ "ქართული ლიტერატურისა და ხელოვნების დეკადისათვის" ღონისძიებაში, სადაც მათ მიერ წარმოდგენილმა პლაკატებმა დიდი მოწონება დაიმსახურეს; 1958-1968 წწ. იყო გამომცემლობა "ნაკადულის" მთავარი მხატვარი; 1968-1975 წწ. გამომცემლობა "მერანის" მთავარი მხატვარი; 1975-1981 წწ. გამომცემლობა "ხელოვნების" მთავარი მხატვარი; 1981-1989 წწ. "ბავშვთა სურათების გალერეის" დირექტორის მოადგილე; მისი ინიციატივითა და ხელმძღვანელობით გამომცემლობა "მერანში" დაარსდა საგამოფენო დარბაზი (1970), სადაც სისტემატურად ეწყობოდა მხატვრული გამოფენები; მხატვრის კვირეულთან დაკავშირებით გამოვიდა პირველი გაზეთი "მხატვარი" (1971); მხატვრის სამუშაო სფეროს წარმოადგენდა: წიგნის გრაფიკა, დაზგური გრაფიკა, პლაკატი, შრიფტი, ფერწერა, მოზაიკა; 1950-იანი წლებიდან მონაწილეობდა რესპუბლიკურ, საკავშირო და უცხოეთში მოწყობილ სამხატვრო გამოფენებში: პოლონეთი (1959), გერმანიის ფედერაციული რესპუბლიკა (1964), ბელგია, ნიდერლანდები (1968), ვიეტნამი (1972) და სხვ.; პერსონალური გამოფენები: მხატვრის სახლი (თბილისი, 1986), ქ. რიეტი (იტალია, 1989), ქ. მიუნჰენი, ქ. კიონეგშტაინი (გერმანია, ქალიშვილთან მ. ჯიშკარიანთან ერთად, 1991). მისი ნამუშევრები დაცულია საქართველოს მუზეუმებში: დ. შევარდნაძის სახელობის ეროვნული გალერეა (თბილისი), შ. ამირანაშვილის სახელობის საქართველოს ხელოვნების მუზეუმი (თბილისი), გ. ლეონიძის სახ. ქართული ლიტერატურის სახ. მუზეუმი (თბილისი), ა. ქუთათელაძის სახ. თსსა მუზეუმი (თბილისი), ხარაგაულის ისტორიული მუზეუმი (ქ. ხარაგაული), ა. პუშკინის სახელობის სახვითი ხელოვნების სახელმწიფო მუზეუმი (რუსეთი, მოსკოვი), კერძო კოლექციებში საქართველოსა და საზღვარგარეთ. მიღებული აქვს მრავალი ჯილდო და დიპლომი. მათ შორის: საბავშვო და ახალგაზრდობის ლიტერატურის გამოცემის საქმეში ნაყოფიერი მუშაობისათვის - საქართველოს სსრ უმაღლესი საბჭოს პრეზიდიუმის საპატიო სიგელი (1963), წიგნის საუკეთესო მხატვრული გაფორმებისა და პოლიგრაფიული შესრულების რესპუბლიკური კონკურსის დიპლომი - "საუკეთესო მხატვრული გაფორმებისათვის"(1971), როგორც გამომცემლობა "ხელოვნების" მთავარ მხატვარს მიენიჭა ნიშანი - "სოციალისტური შეჯიბრების გამარჯვებული 1975 წელს" (1976 ), ჩრდილო ოსეთის სსრ ავტონომიის უმაღლესი საბჭოს მიერ, სასტუმრო "ვლადიკავკაზის" მშენებლობაში შეტანილი წვლილისათვის საპატიო ორდენი (1977) და სხვ. გრაფიკოსი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.569

• სკკპ , წევრი (1959-)
• სსრკ მხატვართა კავშირი, წევრი (1957-)
• სსრკ ჟურნალისტთა კავშირი, წევრი (1958-)

• 1980 - საქართველოს დამსახურებული მხატვარი
• 1970 - მედალი "ვ. ი. ლენინის დაბადებიდან 100 წლისთავის გამო"

• ანბანთქება = Anbantkeba : ალბომი (ავტორი). - თბილისი, 2012. - 29, [37 ფ.]. - ISBN: 978-9941-9207-9-0
• ქართული ექსლიბრისი = The georgian exlibris (ილუსტრატორი). - თბილისი, 1990. - 176გვ.
• ვაჩუქოთ ერთმანეთს ტიტები : ლექსები (ილუსტრატორი). - თბილისი, მერანი, 1990. - 102გვ.
• არცა ვმსახურებდე სხვას : ლექსები (ილუსტრატორი). - თბილისი, მერანი, 1989. - 231გვ.
• ქებათა ქება ნიკორწმინდას : ლექსი (ილუსტრატორი). - თბილისი, საბჭ. საქართველო, 1982. - 11გვ.
• ზურას ბატკანი : მოთხრობა სკოლამდელთათვის (ილუსტრატორი). - თბილისი, ნაკადული, 1973. - 12გვ