ლეონიდე კალისტრატეს ძე გაბუნია (დ. 13 სექტემბერი, 1920, ირკუტსკი, — გ. 8 მაისი, 2001, თბილისი)

დაამთავრა საქართველოს პოლიტექნიკური ინსტიტუტის სამთო ფაკულტეტი 1943 წელს.

1947–1950წწ. მუშაობდა გეოლოგიისა და მინერალოგიის ინსტიტუტში უმცროს მეცნიერ თანამშრომლად, 1957-1976წწ.

 პალეობიოლოგიის ინსტიტუტის ხერხემლიანთა პალეობიოლოგიის განყოფილების გამგე, 1976-1988წწ. პალეობიოლოგიის ინსტიტუტის დირექტორი, 1976-1988წწ. მეცნიერებათა აკადემიის ბიოლოგიის განყოფილების აკადემიკოს-მდივანი, პალეობიოლოგიის ინსტიტუტის  საპატიო დირექტორი. მისი გამოკვლევები გამოქვეყნებულია საფრანგეთის, ესპანეთის, იტალიის, აშშ-ს, გერმანიის, ჩინეთის პერიოდულ გამოცემებში. არის ავტორი წიგნებისა: "დინოზავრების ნაკვალევი"(1958), "ჰიპარიონების ისტორია"(1959), "ბენარის ოლიგოცენურ ხერხემლიანთა ფაუნა"(1974), "ლუი დოლო"(1976). მეცნიერულ–პოპულარული სერიის "ათინათის" რედაქტორი. მიღებული აქვს მოსკოვის საბუნებისმეტყველო საზოგადოების პრემია (1966), საბჭოთა კავშირის საზოგადოება ცოდნის საპატიო დიპლომი (1976), ფრანგული კულტურის განვითარებაში შეტანილი წვლილისთვის საფრანგეთის პალმის ორდენის ოფიცერი (1999). გეოლოგია-მინერალოგიის მეცნიერებათა დოქტორი (1954), პროფესორი (1959).

საკანდიდატო დისერტაციის თემა - "დასავლეთ საქართველოს პლიოცენურ მოლუსკურ ფაუნათა პარალელიზაცია", დაიცვა 1947 წელს; სადოქტორო დისერტაციის თემა – "ჰიპარიონების ისტორია" (საბჭოთა კავშირის ნეოგენის მასალების მიხედვით), დაიცვა 1954 წელს.

წყარო: ქართული საბჭოთა ენციკლოპედია: ტ. 2.-თბ.,1977.- გვ. 609; ქართული პრესის ელექტრონული არქივი: opentext.org.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.171

• ადამიანის პალეონტოლოგიის საერეთაშორისო ასოციაცია, საბჭოს წევრი (1982-)
• ადამიანის პალეონტოლოგიის საერეთაშორისო ასოციაცია, დამაარსებელი (1982-)
• აშშ-ს ხერხემლიანთა პალეონტოლოგიისა სამეცნიერო საზოგადოება, წევრი
• იუნესკოს საერთაშორისო პროგრამები ''ადამიანი და ბიოსფერო'' ეროვნული კომიტეტი, პრეზიდენტი (1979-)
• პალეონტოლოგიური ჟურნალი (მოსკოვი), სარედაქციო კოლეგიის წევრი
• ჟურნალ ევოლუციური მოძღვრება (ჩიკაგო), სარედაქციო კოლეგიის წევრი
• რუსეთის ტერიოლოგიური საზოგადოება, საპატიო წევრი
• საფრანგეთ-საქართველოს მეგობრული კავშირი - ''ალიანს ფრანსეზი'', პრეზიდენტი (1991-1999)
• საქართველოს გეოლოგიური საზოგადოება, პრეზიდენტი (1977-1989)
• საქართველოს მეცნიერებათა აკადემია, მთავარი აკადემიკოს-მდივანი, აკადემიკოსი (1969-)
• ქართული ენციკლოპედია, სარედაქციო კოლეგიის წევრი

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  
• 1980 - შრომის წითელი დროშის ორდენი
• 1966 - მედალი "შრომითი მამაცობისთვის"

წყარო-wikipedia.ge