თემურ ყაზარაშვილი (დ. 7 დეკემბერი, 1959, ახმეტა) — ქართველი სპორტსმენი (ბერძნულ-რომაული ჭიდაობა).

დაიბადა სოფელ მატანში, ახმეტის რაიონში. 1981 წელს დაამთავრა საქართველოს ფიზკულტურის ინსტიტუტი და 1987 წელს თბილისის სახელმწიფო უნივერსიტეტის ეკონომიკის ფაკულტეტი. მსოფლიოს თასის მფლობელი (1980) და მსოფლიო უნივერსიადის ჩემპიონი (1981). სსრკ-ის ჩემპიონი (1982, 1984) და მესამე პრიზიორი (1981, 1983). სსრკ-ის თასის მფლობელი (1984) და სსრკ-ის ხალხთა VIII სპარტაკიადის მეორე პრიზიორი (1983). ბულგარეთის (1983, 1985) და ივან პოდდუბნის სახელობის საერთაშორისო ტურნირში (1980, 1982, 1985) გამარჯვებული. სსრკ-ის სპორტის დამსახურებული ოსტატი და საქართველოს დამსახურებული მწვრთნელი. საერთაშორისო კატეგორიის ექსტრა კლასის არბიტრი, საქართველოს ჭიდაობის ეროვნული ფედერაციის ვიცე-პრეზიდენტი (1994-იდან) და ღირსების ორდენის კავალერი.

ტიტულები:

მსოფლიოს ჩემპიონი - 1982 (48კგ; კატოვიცე, პოლონეთი)

მსოფლიო ჩემპიონატის ბრინჯაოს პრიზიორი - 1983 (48კგ; კიევი)

ევროპის ჩემპიონატის ბრინჯაოს პრიზიორი - 1985 (48კგ; ლაიპციგი, გერმანიის დემოკრატიული რესპუბლიკა)

მსოფლიო თასი - 1980 (48კგ; ტოლიდო, აშშ)

მსოფლიო უნივერსიადის ჩემპიონი - 1981 (48კგ; ბუქარესტი, რუმინეთი)

სსრკ ხალხთა VIII სპარტაკიადის ვიცე-ჩემპიონი - 1983 (48კგ; მოსკოვი)

სსრკ ჩემპიონი - 1982 (48კგ; ზაპოროჟიე), 1984 (48კგ; მინსკი)

სსრკ ჩემპიონატის ბრინჯაოს პრიზიორი - 1981 (48კგ; როსტოვი), 1983 (48კგ; მოსკოვი)

საერთაშორისო ტურნირების ჩემპიონი - 1980 (48კგ; ივან პოდდუბნის მემორიალი), 1982 (48კგ; ივან პოდდუბნის მემორიალი), 1985 (48კგ; ივან პოდდუბნის მემორიალი)

მსოფლიოს ჩემპიონი (ახალგაზრდები) - 1979 (48კგ)

ევროპის ვიცე-ჩემპიონი (ჭაბუკები) - 1978 (48კგ)

სსრკ სპორტის ოსტატი - 1978

სსრკ საერთაშორისო კლასის სპორტის ოსტატი - 1979

სსრკ სპორტის დამსახურებული ოსტატი - 1982

სხვა ჯილდოები:

ღირსების ორდენი - 2000

*-1986-87 წლებში საქართველოს სსრ ნაკრების უფროსი მწვრთნელი ბერძნულ-რომაულ ჭიდაობაში.

*-1989 წელს მიენიჭა საქართველოს სსრ დამსახურებული მწვრთნელის წოდება.

*-1990-94 წლებში სპორტსაზოგადოება მართვეს ჭიდაობის სკოლის დირექტორი.

*-1994 წელს მიენიჭა საერთაშორისო კატეგორიის მსაჯის წოდება.

*-1994 წელს მიენიჭა საერთაშორისო კატეგორიის მსაჯის წოდება.

*-1994-2012 წლებში საქართველოს ჭიდაობის ფედერაციის ვიცე-პრეზიდენტი.

პირველი ადგილი(უმჩატესი წონა)

ბერძნულ-რომაული ჭიდაობა - სსრკ ჩემპიონატი 1984, მინსკი, ბელარუსი

მესამე ადგილი(უმჩატესი წონა)

ბერძნულ-რომაული ჭიდაობა - სსრკ ჩემპიონატი 1983, მოსკოვი, რუსეთი

პირველი ადგილი(უმჩატესი წონა)

ბერძნულ-რომაული ჭიდაობა - სსრკ ჩემპიონატი 1982, ზაპოროჟიე, უკრაინა

მესამე ადგილი(48 კგ)

ბერძნულ-რომაული ჭიდაობა - ევროპის ჩემპიონატი 1985, ლაიპციგი, გდრ

მესამე ადგილი(48 კგ)

ბერძნულ-რომაული ჭიდაობა - მსოფლიო ჩემპიონატი 1983, კიევი, სსრკ

პირველი ადგილი(48 კგ)

ბერძნულ-რომაული ჭიდაობა - მსოფლიო ჩემპიონატი 1982, კატოვიცე, პოლონეთი