ლევან ჭილაშვილი (დ. 17 აგვისტო, 1930 — გ. 26 აპრილი, 2004) — ქართველი არქეოლოგი და ისტორიკოსი, საქართველოს მეცნიერებათა აკადემიის აკადემიკოსი, ისტორიულ მეცნიერებათა დოქტორი, პროფესორი.
1954 წელს დაამთავრა თსუ ისტორიის ფაკულტეტი, სადაც 1967 წლიდან მის გარდაცვალებამდე იყო პროფესორი. 1958 წელს ლევანმა მიიღო ისტორიულ მეცნიერებათა კანდიდატის, ხოლო 1967 წელს – ისტორიულ მეცნიერებათა დოქტორის ხარისხი.
1991 წელს აირჩიეს საქართველოს მეცნიერებათა აკადემიის აკადემიკოსად.
დაბადების ადგილი: ქ. გურჯაანი.
დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი ისტორიის სპეციალობით 1953 წელს.
1953-1956 წლებში იყო ივანე ჯავახიშვილის სახელობის ისტორიის ინსტიტუტის ასპირანტი, 1957 -1960 წლებში მისი მოღვაწეობა ს. ჯანაშიას სახელობის საქართველოს სახელმწიფო მუზეუმში გრძელდება უმცროსი მეცნიერი თანამშრომლის თანამდებობაზე. 1960-1970 წლებში - ამავე მუზეუმის უფროსი მეცნიერი თანამშრომელია, 1970-1973 წლებში - მუზეუმის დერექტორის მოადგილე, ხოლო 1981 წლიდან გარდაცვალებამდე - მუზეუმის დირექტორი იყო. მისი მთავარი სამეცნიერო სფეროები იყო ანტიკური საქართველოს არქეოლოგია და ისტორია. 1995-2003წწ. ნეკრესში ლ. ჭილაშვილის არქეოლოგიურმა ექსპედიციამ აღმოაჩინა, მისი ვარაუდით, წინარექრისტიანული, I-III საუკუნეების ქართული წარწერები. ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი). ისტორიის მეცნიერებათა დოქტორი, პროფესორი.
წყარო: საქართველოს პარლამენტის წევრები 1990-2015.- თბ.-2015.-გვ.397; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.150
ორგანიზაციის, ასოციაციის ან ჯგუფის წევრი
- საქართველოს მეცნიერებათა აკადემია, აკადემიკოსი (2001-)
ჯილდოები, პრემიები და პრიზები
- 2002 - საქართველოს სახელმწიფო პრემია, მეცნიერებისა და ტექნიკის დარგში
ჰუმანიტარულ მეცნიერებათა დარგში 1958-1991 წლებში გამოქვეყნებულ შრომათა ციკლისათვის - "ქალაქები და საქალაქო ცხოვრება შუა საუკუნეების საქართველოში" (ისტორიულ-არქეოლოგიური გამოკვლევა). - 2002 - ვახტანგ გორგასლის III ხარისხის ორდენი
- 1998 - საქართველოს ღირსების ორდენი
- 1986 - საპატიო ნიშნის ორდენი
- 1982 - სიმონ ჯანაშიას სახელობის პრემია
- 1982 - საქართველოს მეცნიერებათა დამსახურებული მოღვაწე
ბიბლიოგრაფია
- ნეკრესის წარმართული სამლოცველოები (ავტორი). - თბილისი, საქ. მეცნ. აკად., საქ. სახელმწ. მუზეუმი, 2000. - 114გვ.
- არეში : ისტორ.-არქეოლ. გამოკვლევა (ავტორი). - თბილისი, მეცნიერება, 1991. - 231გვ.
- საქართველოს IV-XVIII სს. მატერიალური კულტურა : გამოფენის გზამკვლევი (ავტორი). - თბილისი, მეცნიერება, 1990. - 90გვ.
- მუზეუმმცოდნეობა და სამუზეუმო საქმის საფუძვლები : ლექციების კურსი (ავტორი). - თბილისი, თბილ. უნ-ტის გამ-ბა, 1984. - 157გვ.
- კახეთის ქალაქები (XIV-XVII სს.) (ავტორი). - თბილისი, მეცნიერება, 1980. - 312გვ.
- ნაქალაქარი ურბნისი : ისტ.-არქეოლოგ. გამოკვლევა (ავტორი). - თბილისი, საქ. მეცნ. აკად. გამ-ბა, 1964. - 181გვ.
- ეროვნული ბიბლიოთეკა
