შალვა ნუცუბიძე (დ. 14 დეკემბერი, 1888, სოფელი ფარცხანაყანევი — გ. 6 იანვარი, 1969, თბილისი)
ქართველი ფილოსოფოსი, ლიტერატურათმცოდნე, კულტურის ისტორიკოსი, მთარგმნელი და საზოგადო მოღვაწე, ქართული ფილოსოფიის ისტორიის მეცნიერული სკოლის ფუძემდებელი, საქართველოს მეცნიერებათა აკადემიის აკადემიკოსი (1944), საქართველოს მეცნიერების დამსახურებული მოღვაწე (1961), თბილისის სახელმწიფო უნივერსიტეტის ერთ-ერთი დამაარსებელი, იყო მისი პრორექტორი, უნივერსიტეტის ფუნდამენტალური ბიბლიოთეკის დირექტორი, მსოფლიო ლიტერატურის ისტორიის კათედრის გამგე. ფილოსოფიის მეცნიერებათა დოქტორი, პროფესორი. ვიკიპედია
დაბადების ადგილი: სოფელი ფარცხანაყანები, წყალტუბოს რაიონი.
დაამთავრა პეტერბურგის უნივერსიტეტი 1910 წელს. შემდეგ, სწავლა განაგრძო ლაიფციგის უნივერსიტეტში, სადაც 1915 წელს მიენიჭა ფილოსოფიის დოქტორის წოდება.
საქართველოში დაბრუნების შემდეგ, უნივერსიტეტში ატარებდა სემინარებს, რითაც ხელს უწყობდა ქართული ფილოსოფიური სკოლის ჩამოყალიბებას. 1916-1918წწ. პეტერბურგის უნივერსიტეტის ლექტორია. 1918 წელს იყო თსუ ერთ-ერთი დამაარსებელი, იყო მისი პრორექტორი (1920-1929), უნივერსიტეტის ფუნდამენტალური ბიბლიოთკის დირექტორი, მსოფლიო ლიტერატურის ისტორიის კათედრის გამგე. 1925-1926წწ. იყო ლაიპციგის უნივერსიტეტის მოწვეული პროფესორი. ოცდაათიანი წლების მეორე ნახევრიდან ინტენსიურად იკვლევდა ქართული ფილოსოფიური აზროვნების ისტორიას და მასთან დაკავშირებულ "აღმოსავლური რენესანსის" საკითხებს. მისი მეცნიერული გამოკვლევების საფუძველზე ქართველოლოგიის ეს დარგი დამოუკიდებელ მეცნიერებად ჩამოყალიბდა. დიდი წვლილი შეიტანა ფსევდოდიონისე არეოპაგელისა და ცნობილი ქართველი მოღვაწის პეტრე იბერის იდენტობის საკითხის კვლევაში. ქართული ფილოსოფიის, ლიტერატურის სოციალური კულტურის, ისტორიის გარემოს საკითხების კვლევას ორმოცზე მეტი გამოკვლევა უძღვნა.
წყარო: ქართული საბჭოთა ენციკლოპედია: ტ.7 .-თბ.,1984.-გვ.490
ორგანიზაციის, ასოციაციის ან ჯგუფის წევრი
- თბილისის სახელმწიფო უნივერსიტეტი, ერთ-ერთი დამაარსებელი (1918-)
- საქართველოს დემოკრატიული რესპუბლიკის დამფუძნებელი კრება, წევრი (1919-1921)
- საქართველოს მეცნიერებათა აკადემია, აკადემიკოსი (1944-1969)
ჯილდოები, პრემიები და პრიზები
- 1961 - საქართველოს მეცნიერებათა დამსახურებული მოღვაწე
- შრომის წითელი დროშის ორდენი
ბიბლიოგრაფია
- Витязь в тигровой шкуре : Шота Руставели (მთარგმნელი). - Тбилиси, Мерани, 1977. - 240с.
- კრიტიკული ნარკვევები : ლიტერატურა და ფილოსოფია (ავტორი). - თბილისი, საბჭ. საქართველო, 1969. - 327გვ.
- ქართული ფილოსოფიის ისტორია (ავტორი) // ტ. 2. - თბილისი, საქ. სსრ მეცნ. აკად. გამ-ბა, 1958. - 560გვ.
- ქართული ფილოსოფიის ისტორია (ავტორი) // ტ. 1. - თბილისი, საქ. სსრ მეცნ. აკად. გამ-ბა, 1956. - 534გვ.
- ლოღიკა : პროპედევტიული კურსი (ავტორი). - ტფილისი, ს.ს.ს.რ. სახელმწიფო გამომც., 1923. - 232გვ.
- ალეთოლოგიის საფუძვლები : ჭეშმარიტების პრობლემა (ავტორი) // წიგნი 1. - ტფილისი, სახალხო მეურნ. უმაღლესი საბჭ. სტ., 1922. - 240გვ.
- ეროვნული ბიბლიოთეკა
