როინ მეტრეველი (დ. 7 დეკემბერი, 1939, დაბა აბასთუმანი, ადიგენის მუნიციპალიტეტი) წარმომავლობა უწერა რაჭა

დაამთავრა თბილისის სახელმწიფო უნივერსიტეტის ისტორიის ფაკულტეტი 1962 წელს. მუშაობდა კომკავშირულ და პარტიულ მაღალ თანამდებობებზე 1960-1972წწ. 1972-1986 წლებში იყო ქართული ენციკლოპედიის მთავარი რედაქტორის მოადგილე. 1986—1989 წლებში რ. მეტრეველი იყო თბილისის ა. პუშკინის სახელობის პედაგოგიური ინსტიტუტის რექტორი. 1991 წლიდან 2004 წლამდე იყო თბილისის სახელმწიფო უნივერსიტეტის რექტორი. იყო ჟურნალ "მაცნეს" ისტორიის სერიის რედაქტორი, თსუ ისტორიის კათედრის გამგე. 1992 წლიდან იყო ქართულ სახელმწიფო და სახალხო დიპლომატიის ს/კ ცენტრის ხელმძღვანელი. 2001 წლიდან ქართული ენციკლოპედიის მთავარი სამეცნიერო საბჭოს თავმჯდომარე. მიღებული აქვს შრომის წითელი დროშის საპატიო ნიშანი.

საკანდიდატო დისერტაციის თემა - "XII საუკუნის საქართველოს სახელმწიფოებრივი ფორმები", დაიცვა 1965 წელს, 1974 წელს სადოქტორო - "შინაკლასობრივი ბრძოლა შუა საუკუნეების საქართველოში". არის 300-ზე მეტი სამეცნიერო ნაშრომის  ავტორი, მათ შორის "შინაკლასობრივი ბრძოლა ფეოდალურ საქართველოში", "დეკლასირებული ელემენტები შუა საუკუნეების საქართველოში", დავით IV აღმაშენებელი", "მეფე თმარი". მისი რედაქტორობით გამოცემულია მრავალი სამეცნიერო კრებული და მონოგრაფია.

• ევრაზიის უნივერსიტეტების გენერალური ასამბლეა, მთავარი კომიტეტის წევრი (1994-)
• კალიფორნიის (აშშ) ხელოვნების, მეცნიერებისა და განათლების საერთაშორისო აკადემია , წევრი
• საქართველოს ისტორიკოსთა ეროვნული კომიტეტი , პრეზიდენტი (1996-)
• საქართველოს მეცნიერებათა აკადემია , აკადემიკოსი (1993-)
• საქართველოს მეცნიერებათა აკადემია , აკადემიკოს-მდივანი (1988-1991)
• საქართველოს მეცნიერების აკადემიასთან არსებული საქართველოს ისტორიის წყაროების კომისია, თავმჯდომარე (1995-)
• საქართველოს რესპუბლიკის უზენაესი საბჭო, დეპუტატი (1990-)
• საქართველოს უმაღლესი სასწავლებლების რექტორთა საბჭო, თავმჯდომარე (1996-)

• 1999 - თბილისის საპატიო მოქალაქე
• 1996 - აფხაზეთის ასსრ მეცნიერებათა დამსახურებული მოღვაწე
• 1988 - საქართველოს სახელმწიფო პრემია , მეცნიერების დარგში
• შრომის წითელი დროშის საპატიო ნიშანი
• ქუთაისის საპატიო მოქალაქე
• ქუთაისის და გიუმრის (სომხეთის) უნივერსიტეტები
  საპატიო პროფესორი
• აკაკი წერეთლის სახელობის პრემია
• ივანე ჯავახიშვილის სახელობის პრემია
• ფრიტოფ ნანსენის საპატიო მედალი
• საქართველოს საპატრიარქოს ოქროს ჯვარი
• ღირსების ორდენი