ბესიკ ბერია 1955-16/03/93წ. გარდ. სოფ. აჩადარა სოხუმი აფხაზეთი დაბ. სოხუმი
დაიბადა 1958 წლის 21 იანვარს. 1974 წელს დაამთავრა სოხუმის
შ. რუსთაველის სახელობის I საშუალო სკოლა ოქროს მედალზე, შემდეგ – ხარკოვის სამშენებლო ინსტიტუტი მშენებელ-ინჟინრის სპეციალობით. 1979 წლიდან მუშაობდა უჟგოროდში 1985 წლამდე.
ბესიკ ბერია 1993 წლის 16 მარტს ქ. სოხუმის მასიური შტურმის დროს მტრის ცალკეულმა ჯგუფებმა სოფ. აჩადარაში შესძლეს ზოგიერთი ქართული პოზიციის გარღვევა. ერთ-ერთი ასეთი 12-კაციანი ჯგუფი, ბესო ბერიამ თავისი ოცეულით, ალყაში მოამწყვდია: ორი მათგანი ტყვედ ჩაბარდა, დანარჩენი - ლიკვიდირებულ იქნა. ბ. ბერია ამ ოპერაციის შესრულებისას სასიკვდილოდ დაიჭრა. ორი ტყვია მოხვდა თავსა და გულმკერდის არეში. ის ადგილზე გარდაიცვალა.
გამოჩენილი მამაცობისა და თავდადებისათვის უფ. ლეიტენანტი ბერია ბესო აკაკის ძე დაჯილდებულია (სიკვდილის შემდეგ) "ვახტანგ გორგასლის მესამე ხარისხის" ორდენით.
ჩვენ ინფორმაცია მოგვაწოდა ლაშა სირანაშვილმა
ბერია ბესიკ
ქ. სოხუმის შოთა რუსთაველის პირველი საშუალო სკოლის ოქროს მედალოსანი. ჩემი თანაკლასელი. არ შემიძლია ბესო დაგივიწყო! ჩემო უნიჭიერესო, თავმდაბალო, მოსიყვარულე....
ბესო ბოლოს ვნახე 10 მარტს. ვილაპარაკეთ ომზე, მომცა იმედი...ბესო იმის მერე არ მინახავს. ბესო ვერ ვითირე, რადგან მეც იმ დროს დაჭრილი ვიყავი და სიარული არ შემეძლო.
მე ვერაფერში დაგეხმარე ბესო, გარდა იმისა რომ შევძელი შენი გვარი და სახელი მიმენიჭებინა თბილისის ერთ-ერთ ქუჩას.
მიყვარხარ და მენატრები. შენი კლასელი მარინა ნაჭყებია
1993 წლის 16 მარტს ქ. სოხუმის მასიური შტურმის დროს მტრის ცალკეულმა ჯგუფმა სოფ. აჩადარაში შესძლეს ზოგიერთი ქართული პოზიციის გარღვევა. ერთ-ერთი ასეთი 12 კაციანი ჯგუფი, ბესო ბერიამ თავისი ოცეულით, ალყაში მოაწყვდია.. ორი მათგანი ტყვედ აიყვანა, დანარჩენები----ლიკვიდირებულ იქნენ. ბესო ბერია ამ ოპერაციის შესრულებისას სასიკვდილოდ დაიჭრა. ორი ტყვია მოხვდა თავსა და გულმკერდის არეში. ის ადგილზე გარდაიცვალა.