გივი წულაია 1960-1993წწ. გარდ. სოფ ახალშენი სოხუმი დ. სოფ. მერხეული გულრიფში აფხაზეთი
გივი წულაია
იბრძოდა -მამულის ერთიანობისათვის
იბრძოდა-საქართველოსთვის...
დაიბადა 1960 წლის 23 ივნისს ქ . სოხუმის გულირიფშის რაიონის სოფელ მერხეულში.
1976 წელს, . სოხუმის რკინიგზის მე-2 საშუალო სკოლის წარჩინებით დამთავრების შემდეგ, გაწვეულ იქნა სამხედრო ვალდებულების მოსახდელად გერმანიის დემოკრატიულ რესპუბლიკაში. სამხედრო მოვალეობის პირნათლად შესრულების შემდეგ დაუბრუნდა თავის მშობლიურ სოფელს, მერხეულს. მუშაობდა კოლმეურნეობის ფერმის გამგედ.
ერთი ჩვეული ბიჭი იყო, სმშობლოსა და ოჯახზე უსაზღვროდ შეყვარებული. --''მე ბედნიერი ვიყავი'',--ამბობს თვალცრემლიანი მეუღლე ქალბატონი ინგა.--მაგრამ ვაი, რომ ხანმოკლე აღმოჩნდა ჩემი ბედნიერება.''
აფხაზეთის ომის დაწყების პირველი დღიდანვე, ჩაირიცხა მე-2 საარმიო კორპუსის, 23-ე ბრიგადის მე-7 ბატალიონის პირველ შემადგენლობაში. იბრძოდა ოჩამჩირის რაიონში, კერძოდ სოფელ ტამიშთან.
1993 წლის 26 ივნისს ერთერთი შეტაკების დროს სოფელ ახალშენთან მისთვის საბედისწერო აღმოჩნდა.
გივი წულაია გარდაცვალების შემდეგ დაჯილდოვდა ვახტანგ გორგასლის მესამე ხარისხის ორდენით. დაკრძალულია სოფელ მერხეულის სასაფლაოზე.