დაიბადა 1969 წლის 11 აპირლს თბილისში, მსახიობების ოჯახში. ცხოვრობდა ქ. სოხუმში. დაამთავრა სოხუმის მე-5 საშ. სკოლა.
ვახტანგ ომარის ძე ელერდაშვილი ირიცხებოდა საქართველოს შეიარაღებული ძალების მე-II საარმიო კორპუსის 23-ე მექანიზირებული ბრიგადის საარტილერიო დივიზიონში ასეულის ზემდეგად და მონაწილეობას ღებულობდა საქართველოს ტერიტორიული მთლიანობისათვის დასაცავად ბრძოლებში 1992 წლიდან, გაგრაში და სოხუმში, მან დიდი მამაცობა გამოიჩინა.
მშობლებთან ერთად
1992 წლის 29 სექტემბერს ვ. ელერდაშვილი გმირულად დაიღუპა სოფ. სომხურ ათარას მისადგომებთან, საქართველოს თავისუფლებისა და ტერიტორიული მთლიანობის დაცვისას. სიკვდილის შემდეგ დაჯილდოებულია მედლით „მხედრული მამაცობისათვის“ და ვახტანგ გორგასლის მე-II ხარისხის ორდენით საქართველოს პრეზიდენტის მიერ.
დედისერთა ვახტანგი ერთ-ერთი პირველი ჩაება საომარ მოქმედებებში. მისი 23 წლის ახალგაზრდა, ლამაზი სიცოცხლე ჩაიფერფლა ტანკში.
ვერ გაუძლო უბედურებას მამამ _ ომარ ელერდაშვილმა, რომელიც საკუთარი სახლის მე-9-ე სართულიდან გადახტა. ლორენა პაპუაშვილი და ომარ ელერდაშვილი სოხუმელთა უსაყვარლესი მსახიობები იყვნენ. ამ ტრაგედიამ შეძრა სრულიად საქართველო.
ნათელი დაგადგეთ სამშობლოსათვის მარადისობაში გადასახლებულ ელერდაშვილებს!
ერთ დღეს...ერთად დაიღუპნენ, ლორიკ მელაძე, ვახტანგ ელერდაშვილი ( საზარელი სიკვდილით)
მეტი ყურადღება საქართველოს ოკუპირებული ტერიტორიებისკენ! ამას ითხოვენ გმირთა სულები....
გამოიღვიძეთ!
მტრის მიერ დადებულმა ნაღმა 1992 წლის 29 სექტემბერს სოფელ სომხურ ათარასთან სწორედ ის ტანკი ააფეთქა, რომელიც წინა დღით ვახტანგმა თავისი ხელით ააწყო და თვითონვე მართავდა.
23 წლის ვაჟკაცი ტანკში დაიწვა, იმავე დღეს მისი მამა ომარ ელერდაშვილი, საკუთარი ბინის აივნიდან მე-9 სართულიდან გადახტა და 49 წლის ასაკში თვითმკვლელობით დაასრულა სამშობლოსა და შვილის უბედობით გამწარებული სიცოცხლე.
ვახტანგ ელერდაშვილი სიკვდილის შემდეგ დაჯილდოვდა მედლით ''მხედრული მამაცობისათვის''.
ქ. თბილისის ერთ-ერთ უსახელო ქუჩას მიენიჭა ვახტანგ ელერდაშვილის სახელი.
ლორიკ მელაძე
წყარო მარინა ნაჭყებია დაიბადა სოხუმში 1956 წლის 24 დეკემბერს
ქ. თბილისში, სამგორის რაიონში, ალექსანდრე თვალჭრელიძის ქუჩასთან მდებარე უსახელო ქუჩისთვის და მასთან არსებული ჩიხისთვის აფხაზეთის ომში დაღუპული მებრძოლის ვახტანგ ელერდაშვილის სახელის მინიჭების შესახებ
1. საქართველოს ორგანული კანონის „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:
ა) სამგორის რაიონში, ალექსანდრე თვალჭრელიძის ქუჩასთან მდებარე უსახელო ქუჩას და მასთან არსებულ ჩიხს მიენიჭოს აფხაზეთის ომში დაღუპული მებრძოლი ვახტანგ ელერდაშვილის სახელი, თანდართული რუკის თანახმად.
ბ) ქ.თბილისის მუნიციპალიტეტის მერიამ, ოთხი თვის ვადაში, უზრუნველყოს ამ განკარგულების შესასრულებლად საჭირო ღონისძიებების განხორციელება.
2. განკარგულება ერთი თვის ვადაში შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ., №6).
საკრებულოს თავმჯდომარე: გიორგი ალიბეგაშვილი
