გოგი მიტროს ძე დარსალია დაიბადა ოჩამჩირის რ-ნი სოფ. კვიტოულში,

მან სოფელში დაამთავრა საშუალო სკოლა. საშუალო სკოლის დამთავრების შემდეგ, ქ. დუშამბეში მოიხადა სამხედრო მოვალეობა, სამხედრო მოვალეობის მოხდის შემდეგ ჩაირიცხა ქ. ვლადიმერის უმაღლეს სასწავლებელში – მანქანათა შიდა წვის საინჟინრო ფაკულტეტზე. ინსტიტუტის დამთავრების შემდეგ მუშაობდა თავისი პროფესიით. შემდგომ გადავიდა საბანკო სამუშაოზე. დაიღუპა ოჩამჩირის რაიონის სოფელ ლაბრაში 1992 წ. 8 ოქტომბერს. დარჩა მეუღლე და ვაჟი.

დარსალია გოგი მიტროს ძე გაწვეული იყო ოჩამჩირის სამხედრო კომისარიატის მიერ. აფხაზეთში კონფლიქტური სიტუაციის პირველი დღიდან გვერდში ამოუდგა საქართველოს ერთიანობისათვის მებრძოლებს. იგი ჩაირიცხა 24-ე ბრიგადის 243 ბატალიონში. ბატალიონი იცავდა სეპარატისტებისაგან არადუ-მერკულის ფრონტის ხაზს. მტერმა ბევრჯერ სცადა შეტევაზე გადმოსულიყო და დაეპყრო არადუ-მერკულის ტერიტორია. მაგრამ, იგი შეჩერებულ იქნა დიდი დანაკარგით. აფხზებმა ვერ შესძლეს განევითარებინათ შეტევა ოჩამჩირის მიმართულებით. ამ ბრძოლაში დარსალია გ. მ. ღებულობდა აქტიურ მონაწილეობას, იბძროდა თავგამოდებით, უშიშრად. მან შესძლო გადაეტანა ფრონტის სიძნელეები. მეთაური მას ენდობოდა და აძლევდა განსაკუთრებულ დავალებას მტრის განლაგების და სხვა მონაცემების შესაძენად.

მორიგი შემოტევის დროს 1992 წლის 8 ოქტომბერს იგი სასიკვდილოდ დაიჭრა. დამარხულია ოჩამჩირის რაიონის სოფელ კვიტოულში.

წყარო მარინა ნაჭყებია

წყარო მარინა ნაჭყებია დაიბადა სოხუმში 1956 წლის 24 დეკემბერს