მერაბ ბალალაშვილი დაიბადა 1965 წლის 20 ნოემბერს თბილისში .

ზემდეგი ბალალაშვილი მერაბ შოთას ძე მსახურობდა საქართველოს რესპუბლიკის შეიარაღებული ძალების განსაკუთრებული დანიშნულების ბატალიონში ნაღმტყორცნი ბატარეიის ნაღმტყორცნის მეთაურად 1992 წლის 1 ივლისიდან. ამავე წლის 14 ივლისიდან 15 სექტემბრამდე მონაწილეობდა ცხინვალის რეგიორნში შესულ სამშვიდობო ძალების შემადგენლობაში. 1992 წლის 19 სექტემბრიდან მონაწილეობდა აფხაზეთში მიმდინარე საბრძოლო მოქმედებებში, კერძოდ ქალაქ გაგრაში. მტრის ერთ-ერთ შემოტევის დროს საბრძოლო დავალების შესრულებისას 1992 წლის 2 ოქტომბერს ზემდეგი ბალალაშვილი მერაბ შოთას ძე გმირულად დაიღუპა ქალაქ გაგრის დაცვისათვის წარმოებულ ბრძოლებში. დაკრძალულია ქალაქ გაგრაში ძმათა სასაფლაოზე.

მან პირნათლად შეასრულა მასზე დაკისრებული დავალება საკუთარი სიცოცხლის ფასად. გამოჩენილი გმირობისათვის საქართველოს სახელმწიფოს მეთაურის 1993 წლის 10 აპრილის N37 ბრძანებულებით დაჯილდოებულია ვახტანგ გორგასლის მესამე ხარისხის ორდენით.

დაიღუპა ქალაქ გაგრაში 1992  წლის 2 ოქტომბერს.