ეგოროვი ვალერი

გულში იბრძოდა ორგვარი გრძნობა

ორგვარი ვალი ბიჭს მხრებზე აწვა,

დედულისა და მამულის განცდა

იბრძოდა მასში და სულსა სწვავდა.

დაიბადა 1969 წლის 9 აპრილს ქ. გაგრაში. ეროვნებით --რუსი. სწავლობდა ქ . გაგრის შ რუსთაველის სახელობის N 1 საშუალო სკოლაში. სწავლის პერიოდში აქტიურ მონაწილეობას ღებულობდა სკოლის საზოგადოებრივ ღონისძიებებსი, ფრიადოსანი. ქ. გაგრის მოსწავლე ახალგაზრდობის სასახლესთან არსებული ფარიკაობის წრის წევრი.

ვალერი ბავშვობიდანვე გამოირჩეოდა სიმართლის სიყვარულით, იყო ალალმართალი, კეთილი და შრომის მოყვარე, ადვილად ამყარებდა კონტაქტს სრულიად უცხო ადამიანებთან, ჰყავდა სხადასხვა ეროვნების მეგობრები.

საშ. სკოლის დამთავრების შემდეგ ვალერიმ სწავლა გააგრძელა ქ. ზუგდიდის პოლიტექნიკურ ტექნიკუმში. 1987 წელს გაიწვიეს სამხედრო სვალდებულო სამსახურში. დემობილიზაციის შემდეგ მშობლიურ ქალაქს სერჟანტის წოდებით დაუბრუნდა და კვლავ სწავლა გააგრძელა. ამავე პერიოდში შექმნა ოჯახი. სიყვარულით შექმნილი ოჯახი მალე პატარა ქალიშვილის, თამარის დაბადებამ კიდევ უფრო გაალამაზა.

1991 წლის 28 თებერვალს ვალერიმ დაამთავრა ტექნიკური სასწავლებელი და მიიღო ტექნიკის- მექანიკოსის სამშენებლო მანქანების და მოწყობილობების ექსპლატაციის ოსტატის სპეციალობა, იმავე წელს მუშაობა დაიწყო ქ. გაგრის შინაგან საქმეთა საქალაქო განყოფილებაში.

1992 წლის 2 ოქტომბრიდან- გაგრის დაცემის დღიდან მის შესახებ არაფერია ცნობილი, დაიკარგა უგზო უკვლოდ.

საქართველოს პრეზიდენტის ბრძანებულებით ქ. გაგრის შს საქალაქო განყოპილების თანანშრომელი, პოლიციის სერჟანტი ვალერი ეგოროვი სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და მამაცობისათვის დაჯილდოებულია მედლით ''მხედრული მამაცობისათვის''.