წყარო წიგნიდან საქართველოს გმირები 2021წელი, რედაქტორი ირმა ირემაძე დაბ. ქ. სოხუმი
მურთაზ მურმანის ძე დარჯანია 1973 წლის 10 ივლისს ქალაქ სოხუმში დაიბადა.
აფხაზეთში მიმდინარე საომარი მოქმედებების დროს, მურთაზ დარჯანია 1992 წლის 27 ნოემბერიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის, 23-ე მექანიზირებული ბრიგადის მე-2 მოტომსროლელი ბატალიონის მე-3 ასეულის, პირველი ოცეულის მსროლელად. 1993 წლის პირველ მარტს კი დაინიშნა, ამავე ბატალიონის მე-3 ასეულის მსროლელად.
მურთაზ დარჯანია აქტიურად მონაწილეობდა მე-2 ბატალიონის მიერ ჩატარებულ საბრძოლო ოპერაციებში მდინარე გუმისთის მისადგომებთან. მამაცმა მებრძოლმა განსაკუთრებით გამოიჩინა თავი 1993 წლის 15-17 მარტის თავდაცვითი ოპერაციის დროს.
მურთაზ დარჯანია,1993 წლის 26 სექტემბერს, აფხაზი სეპარატისტების მიერ საარტილერიო-სანაღმტყორცნო დაბომბვის დროს მიღებული მძიმე ცეცხლნასროლი ჭრილობისგან გარდაიცვალა. დაკრძალულია გულირიფშის რაიონის სოფელ მერხეულში.
საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისთვის მურთაზ დარჯანია დაჯილდოებულია ვახტანგ გორგასლის II ხარისხის ორდენითა და მედლით „საბრძოლო დამსახურებისათვის“