წიგნიდან საქართველოსთვის ომის ქრონიკები აფხაზეთი 1992-93წწ რედ. ირმა ირემაძე
ზაურ რუბენის ძე ჭაბუკიანი დაიბადა 1961 წლის 18 მაისს ოჩამჩირის რაიონის სოფელ არადუში.
დაამთავრა არადუს საშუალო სკოლა. მოიხადა სამხედრო-სავალდებულო სამსახური. აფხაზეთში მიმდინარე საომარი მოქმედებების დროს, 1992- 1993 წლებში, ზაურ ჭაბუკიანი ირიცხებოდა თავდაცვის სამინისტროს 24-ე ბრიგადის 243-ე (არადუ-მერკულა) ბატალიონის პირად შემადგენლობაში. ზაურმა დიდი წვლილი შეიტანა თავისი სოფლისა და რაიონის უსაფრთხოების დაცვაში.
1993 წლის 29 სექტემბერს, სოფელ არადუზე ხორციელდებოდა უწყვეტი შემოტევები, ზაური უშიშრად იბრძოდა მშვიდობიანი მოსახლეობის გადასარჩენად, სწორედ ამ დროს, არადუს ხიდზე, ათეულობით თანამებრძოლთან და თანასოფლელთან ერთად დაიღუპა. მისი ცხედარი დღემდე არ არის ნაპოვნი.
ზაურ ჭაბუკიანს დარჩა მეუღლე და შვილი.