მე-2  საარმიო  კორპუსი  24-ე  ბრიგადა  243-ე  ბატალიონი წიგნიდან "საქართველოსთვის"

აფხაზეთში  მიმდინარე  საომარი  მოქმედებების  დროს, 1992  წლის  11  დეკემბრიდან, რიგითი გრიგოლ  დავითულიანი  ირიცხებოდა  საქართველოს  რესპუბლიკის  თავდაცვის  სამინისტროს მე-2  საარმიო კორპუსის  24-ე  მექანიზირებული  ბრიგადის  243-ე  ბატალიონში. აქტიურად მონაწილეობდა  ბატალიონის  მიერ  წარმოებულ  საბრძოლო  მოქმედებებში  მოქვისა  და ტყვარჩელის  მიმართულებით. უშიშარი  ვაჟკაცი  თანამებრძოლებს  შორის  სიყვარულითა  და პატივისცემით  სარგებლობდა.

  გრიგოლ  დავითულიანი  დაიღუპა  1993  წლის  16  სექტემბერს, სოფელ  არადუში  მტრის ვერაგული თავდასხმის დროს.

   გრიგოლ  დავითულიანი  დაკრძალულია  სოფელ  არადუში.

                                                                 ***

                                          აფხაზეთზე  ამ  კაცს თვალი  უჭირავს,

                                          ეს კაცია  ალბათ  თურქის თემის...

                                          და მე ვყვირი:- 

                                          ჩემს სისხლს  დალევს  უწინამც!

                                          და მე ვმღერი:

                                          -აფხაზეთი  ჩემი!

                                          როსმე „არგო“ (სხვა ხომალდი  გუშინაც!)

                                          მოაპობდა ზვირთებს  ნიჩბის  ცემით...

                                          და  მე  ვყვირი:- მკვდარსა  მნახვენ  უწინაც!

                                          და მე ვმღერი:

                                          -აფხაზეთი  ჩემი!

                                          ზღვაო  პონტის  რიფებს  მალავ  უჩინარს -

                                  არაერთის  ზედ  მიემსხვრა  გემი...

                                          და მე ვყვირი : -ოხ, უწინამც! უწინამც!

                                          და მე ვმღერი:

                                          -აფხაზეთი ჩემი!

                                                                                                                               მურმან ლებანიძე