დიმიტრი ლაზარეშვილი გივის ძე დაიბადა 19 თებერვალი 1955 წელი სოფელი რატევანი ბოლნისი ქვემო ქართლი გარდაიცვალა 25 მაისი 1992 წელი სოფელი ნიქოზი გორი სამაჩაბლო

ეროვნული გვარდიის ბოლნისის ასეული. უფროსი ლეიტენანტი

   1972 წელს დაამთავრა ბოლნისის სულხან-საბა ორბელიანის სახელობის ქართული საშუალო სკოლა, შემდეგ სწავლა განაგრძო თბილისის სასოფლო-სამეურნეო ინსტიტუტის აგრონომიულ ფაკულტეტზე.

   ინსტიტუტის დამთავრების შემდეგ მუშაობა დაიწყო ბოლნისის „საქსოფლტექნიკაში“ აგრონომად, მერე - მთავარ აგრონომად.

   1981-82 წლებში მუშაობდა სოფლის მეურნეობის პროდუქტების დამზადებაში უფროს აგრონომად, 1982-86 წლებში „საქსოფლტექნიკაში“ მმართველის მოადგილედ, 1986 წლიდან სიცოცხლის ბოლომდე ბოლნისის „ავტოვაზის“ დირექტორად.

   დიმა ლაზარეშვილი 1989 წლიდან აქტიურ მონაწილეობას იღებდა ეროვნულ-განმათავისუფლებელ მოძრაობაში.

   1991 წლის იანვრიდან იბრძოდა სამაჩაბლოში ოსი ექსტრემისტების წინააღმდეგ, სადაც მას მიანიჭეს ოფიცრის წოდება, იგი იყო ბოლნისის სარეზერვო რაზმის მეთაური. ეს რაზმი დღეს მის სახელს ატარებს.

   1992 წლის 25 მაისს სოფ.ნიქოზში ერთ-ერთი ბრძოლის დროს იგი დაიღუპა.

   დარჩა მეუღლე და ორი ვაჟი.

   დიმა ლაზარეშვილი დაკრძალულია მის მშობლიურ სოფელ რატევანში. ბოლნისის რაიონში, დიმა ლაზარეშვილის სახელს ატარებს ქუჩა, სადაც იგი დაიბადა და გაიზარდა.

ინფორმაცია მოგვაწოდა მეუღლე ნონა რეხვიაშვილი