მე-2 საარმიო კორპუსი 23-ე ბრიგადა ტანკსაწინააღმდეგო დივიზიონი წიგნიდან "საქართველოსთვის"
ნუგზარ სოხაძე დაიბადა 1955 წლის 7 დეკემბერს ქ. სოხუმში.
მამა, გრიგორ სოხაძე, მეორე მსოფლიო ომის დროს სანიტარული მატარებლის კომისარი გახლდათ. დედა– თამარ ლოხიშვილი ამავე მატარებელში მედდად მსახურობდა, ასევე იყო აფხაზეთის ომის მონაწილეც.
1971 წელს ნუგზარმა წარჩინებით დაამთავრა სოხუმის მე-6 საშუალო
სკოლა. 1973 წელს გაიწვიეს სავალდებულო სამხედრო სამსახურში.
1977 წელს შევიდა ქ. სოხუმის სუბტროპიკული მეურნეობის ინსტიტუტის ტექნოლოგიურ ფაუკლტეტზე. 1982 წელს წარჩინებით დაამთავრა და გააგზავნეს სამუშაოდ ქ. ზუგდიდის ჩაის გადამწონ ფაბრიკაში ტექნოლოგად. 1987 წელს დაოჯახდა. 1988 წლიდან ომის დაწყებამდე მსახურობდა ქ. სოხუმის საქალაქო საბჭოში მთავარ ინჟინრად.1992 წლის 14 აგვისტოს, აფხაზეთის ომის დაწყებისთანავე, გამოცხადდა სამხედრო კომისარიატში. დანიშნეს რესპუბლიკის თავდაცვის სამინისტროს 23-ე მექანიზებული ბრიგადის ცალკეული ტანკსაწინააღმდეგო დივიზიონის მეორე ოცეულის მეუთაურად. ჯერ ტამიშთან იბრძოდა, 1993 წლის 15-17 მარტს კი გუმისთაზე იგერიებდა მტერს და საბრძოლო გამარჯვების რწმენით გულანთებულს სჯეროდა, რომ სოხუმი აულებელი ბასტიონი იქნებოდა,
აფხაზეთში მიმდინარე საომარი მოქმედებების დროს,ნუგზარ გრიგოლის ძე სოხაძე ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის ტანკსაწინააღმდეგო დივიზიონში მეორე მსროლელი ოცეულის მეთაურად.
ნუგზარ სოხაძე აქტიურად მონაწილეობდა ტანკსაწინააღმდეგო დივიზიონის მიერ განხორციელებულ საბრძოლო მოქმედებებში. დროულად და გულმოდგინედ ასრულებდა მეთაურის ბრძანებებს. თანამებრძოლებს შორის სარგებლობდა კარგი ავტორიტეტით. 1992 წლის 23 დეკემბერს ,სამშობლოსა და ერის წინაშე თავდადებისთვის ,საქართველოს სახელმწიფო მეთაურისგან მადლობის წერილი მიიღო.
ნუგზარ სოხაძე დაიღუპა 1993 წლის 18 სექტემბერს ქალაქ სოხუმში - ერთ-ერთი საბრძოლო მოქმედების დროს.
საქართველოს პრეზიდენტის განკარგულებით,სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავდადებისათვის ნუგზარ სოხაძე დაჯილდოვდა მედლით „ საბრძოლო დამსახურებისთვის“.
