მერაბ სარდიონის ძე თინიკაშვილი დაიბადა 1961 წლის 4 იანვარს გორის რაიონის სოფელ ღვარებში, გლეხკაცის ოჯახში, 1968 წელს შევიდა გორის რაიონის სოფელ ატენის სკოლა-ინტერნატში. 1976 წელს, 8 კლასის დამთავრების შემდეგ, შევიდა სოფელ ხიდისთავის პროფტექნიკურ სასწავლებელში.სამხედრო სამსახურის მოხდის შემდეგ დაეუფლა ელმავლის მემანქანის პროფესიასაც და 1988 წელს მუშაობა დაიწყო თბილისის დეპოში ჯერ მემანქანის თანაშემწედ, მერე – მემანქანედ.
1988 წელს ჩაება ეროვნულ-გამათავისუფლებელ მოძრაობაში. როგორც კი ცხინვალში ოსმა ექსტრემისტებმა დაიწყეს ქართველი მოსახლეობის შევიწროება, შევიდა გორის მე-11 გვარდიაში ოფიცრის თანამდებობით და იბრძოდა ჩვენი მიწისა და ხალხის მტრების წინააღმდეგ. 1992 წლის თითქმის ივნისამდე იბრძოდა ცხინვალში, ხოლო ივნისიდან 10 აგვისტომდე წესრიგს იცავდა!
გორის შემოსასვლელში, 11 აგვისტოს წავიდა აფხაზეთში საბრძოლველად, სადაც ცეცხლის ხაზზე იბრძოდა თავდაუზოგავად, 23 აგვისტოს ღამით, როცა ბზიფის ხიდს იცავდნენ, ის და მისი გვარდიელი ალყაში მოაქციეს და იქ დაიღუპნენ.
მერაბ თინიკაშვილის სახელს თავისუფალ, დემოკრატიულ საქართველოში სიყვარულითა და მადლიერების გრძნობით მოიხსენიებენ.