დავით გივის ძე აბაშიშვილი დაიბადა 1971 წლის 17 თებერვალს ქ. თბილისში. საშუალო სკოლის დამთავრების შემდეგ მუშაობდა „ელექტრო-აპარატში“ ზეინკლად. სავალდებულო სამხედრო სამსახურის მოხდის მერე გორის პედაგოგიური ინსტიტუტის ისტორიის ფაკულტეტის სტუდენტი გახდა.

აბაშიშვილი დავითი გივის ძე- დაიბადა 1971 წლის 17 თებერვალს თბილისში. გარდაიცვალა 1993 წლის 16 მარტს სოხუმი გუმისთა. 16 მარტს სოხუმზე შტურმის დროს დაიღუპა (საავამდყოფოში ჭრილობებით სისხლდენისგან დაიცალა). შავანაბადას ბატალიონი. მედალი -მხედრული მამაცობისთვის.

როცა ქვეყნის ტერიტორიის დაცვა შეიქნა საჭირო, დათო „შავნაბადას“ ბატალიონში ჩაირიცხა.

1993 წლის 16 მარტს გუმისთის მისადგომებთან გამართულ სამკვდრო-სასიცოცხლო ბრძოლის დროს გმირულად დაეცა.

მეგობრები ასე გამოეთხოვნენ სიკვდილის შემდეგ მედლით „მხედრული მამაცობისათვის“ დაჯილდოებულ გმირს:

„ხანმოკლე იყო, დათო, შენი სიცოცხლე. 22 წლის წახვედი და დაგვიტოვე მოუნელებელი ტკივილი. საოცარი ბიჯი იყავი, ყველასაგან გამორჩეული, ამიტომაც წახვედი ამ ქვეყნიდან გმირად.

აფხაზეთში იბრძოდი, თბილისში ჩამოსული ისევ უკან დაბრუნდი... სხვანაირად ვერ მოიქცეოდი, იქ ბიჭები გელოდნენ, შენ ხომ უღალატო იყავი... აკი გითქვამს დედისათვის, მე არ წავიდე, ის არ წავიდეს, მაშინ ვიღამ დაიცვას ქართული მიწაო. შენ სიყვარულს და სიკეთეს თესავდი. ამიტომაც გაგვაოგნა შენმა გმირულმა სიკვდილმა. გვიჭირს ყველას უშენობა, დათო, მაგრამ ყველაზე მეტად შენ დედასა და დას უჭირს. ლამაზი ფურცელი იყავი, დათო, ამ ქარიშხლიანი წუთისოფლისა და მიწა-წყლისა. უსასრულობისაკენ წაგაფრიალა შენმა ბედისწერამ... ჩვენ კი დაგვიტოვა მოუშუშებელი იარა. შენ მუდამ ჩვენთან იქნები, დათო, ფიქრებში, მოგონებებში, მონატრებებში...

იძინე მშვიდად ქარელის მიწაზე. გწამდეს, რომ შენი სამშობლო იქნება მთლიანი და განუყოფელი, ძლიერი და აყვავებული.

ღმერთმა გააძლებინოს შენს გაუბედურებულ დედას. მუდამ ნათელში ამყოფოს ღმერთმა შენი ლამაზი სული.“

ინფორმაცია მოგვაწოდა გიორგი ხაბალაშვილმა დაბ. 1982წ სოფელი ჭანდრები ქარელი

ითანამშრომლა ზაზა ვალერიანის ძე ხვთისიაშვილი, სერგოს დედის ძმა, ვეტარანი ბატალიონი შავნაბადა დაბ. 1968 წელს თბილისში, წინაპრები სოფელი ბაკურციხე, გურჯაანი. ფოტოზე მიახლოვებით 25 წლის.

ითანამშრომლა ნატა ზაზას ასული ხვთისიაშვილი