მე-2 საარმიო კორპუსი 23-ე ბრიგადა მე-7 ბატალიონი წიგნიდან "საქართველოსთვის"
რომან მელიტონის ძე ბენიძე დაიბადა 1955 წლის 31 იანვარს გულრიფშის რაიონის სოფელ წებელდაში.
1973 წელს დაამთავრა ამავე სოფლის საშუალო სკოლა.1974-75 წლებში მსახურობდა საბჭოთა ჯარში ქალაქ სვერდლოვსკში. სამხედრო-სავალდებულო სამსახურის მოხდის შემდეგ ცხოვრობდა ქალაქ სოხუმში- ეშბას ქუჩაზე.
1978 წელს დაამთავრა სოხუმის ინდუსტრიული ტექნიკუმი- მშენებლის სპეციალობით. 1982 წელს დაოჯახდა. 1985 წელს მუშაობა დაიწყო მშობლიურ რაიონში- პროფკავშირების თავჯდომარედ.
1985 წლამდე მუშაობდა ქალაქ სოხუმის 45-ე პროფტექნიკურ სასწავლებელში- მასწავლებლად.
1992 წელს დაამთავრა ქალაქ მოსკოვის შრომის აკადემია,ეკონომისტის სპეციალობით.
აფხაზეთში საომარი მოქმედებების დაწყებისთანავე რომან ბენიძე ჩაირიცხა საქართველოს რესპუბლიკის თავდაცვის სამინისტროს 23-ე ბრიგადის მე-7 ბატალიონში - შტაბის უფროსის მოადგილედ. 1993 წლის 17 აპრილს მიენიჭა ლეიტენანტის წოდება. მონაწილეობდა ბატალიონის მიერ წარმოებულ საბრძოლო მოქმედებებში შრომა, ახალშენი,ტამიშის მიმართულებით.
რომან ბენიძე დაიღუპა 1993 წლის 22 სექტემბერს - ავიაკატასტროფაში. ის იმ თვითმფრინავში იმყოფებოდა, რომელიც ომის მიწურულს აფხაზმა სეპარატისტებმა ბაბუშარის აეროპორტის თავზე ააფეთქეს... მხოლოდ ოთხი წლის შემდეგ გახდა შესაძლებელი მისი გადმოსვენება. ის დიდი პატივით დაკრძალეს ხონის რაიონის სოფელ გოჩა ჯიხაიშში.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისთვის რომან ბერიძე, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.