მე-2 საარმიო კორპუსი 23-ე ბრიგადა მე-7 ბატალიონი წიგნიდან "საქართველოსთვის"
რევაზ ვალიკოს ძე პერტია დაიბადა 1950 წლის 28 ნოემბერს გულრიფშში. ომამდე მუშაობდა სასტუმრო „ლიტერატურკაში“.
რევაზ პერტია 1992 წლიდან ირიცხებოდა საქართველოს რესპუბლიკის თავდაცვის სამინისტროს 23-ე მექანიზირებული ბრიგადის მე-7 ბატალიონში.საზრიანი მოქმედებით გამორჩეული რევაზი ვაჟკაცობის მაგალითს აძლევდა თანამებრძოლებს. განსაკუთრებით თავი გამოიჩინა სოფელ ტამიშთან,კვიტოულთან, შრომასთან ბრძოლებში.
1993 წლის 29 სექტემბერს, სოხუმის დაცემის შემდეგ, როცა მებრძოლები უკან იხევდნენ, მდინარე კოდორთან შეტაკებისას მებრძოლთა ერთი ნაწილი ალყაში მოხვდა,მათ შორის რევაზიც იმყოფებოდა. უკანასკნელ ამოსუნთქვამდე ვაჟკაცურად იბრძოდა ალყის გასარღვევად, ამ ორთაბრძოლების დროს რევაზ პერტია გმირულად დაიღუპა. თანამებრძოლებმა შეძლეს მისი ცხედრის ბრძოლის ველიდან გამოსვენება.
რევაზ პერტია დაკრძალულია გულრიფშის სასაფლაოზე.