მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
გურამ ვლადიმერის ძე დგებია დაიბადა 1959 წლის 29 აპრილს ოჩამჩირის რაიონის სოფელ აძიუბჟაში. დაამთავრა აძიუჟბის საშუალო სკოლა.
აფხაზეთში მიმდინარე საომარი მოქმედებების დროს, 1992 წლის სექტემბრიდან, გურამ დგებია ირიცხებოდა საქართველოს რესპუბლიკის თავდაცვის სამინისტროს 23-ე მექანიზირებული ბრიგადის მე-6 სატანკო ბატალიონის მე-4 ასეულის საინჟინრო მესანგრეთა-ოცეულში- რიგით მებრძოლად. გურამი პირნათლად ასრულებდა მასზე დაკისრებულ მოვალეობას და მედგარ წინააღმდეგობას უწევდა მტერს. გურამი თანამებრძოლებთან ერთად აქტიურად იბრძოდა ქვეყნის ერთიანობის დასაცავად ბატალიონის საბრძოლო პოზიციაზე - მდინარე გუმისთის მიმდებარედ, ქვემო-ეშერაში.
გურამ დგებია ერთ-ერთი შეტაკებისას , 1993 წლის 18 სექტემბერს, ბრძოლის ველზე მძიმედ დაიჭრა და დაიღუპა.