გონა ანდრიაშვილი დაიბადა 1968 წ. მცხეთის რაიონის სოფელ წილკანში. 8 კლასის დამთავრების შემდეგ პროფტექნიკურ სასწავლებელში სწავლობდა. მონგოლეთში მოიხადა სავალდებულო სამხედრო სამსახური, იყო ტანკისტი.
უფროსი ლეიტენანტი გოჩა ანდრიაშვილი ეროვნული გვარდიის ოცმეთაური იყო 1992 წლის 1 მაისიდან. იბრძოდა სამაჩაბლოსა და აფხაზეთში.
1993 წლის 2 ივლისს, ტამიშის დესანტის გადმოსხმისას, მტერთან უთანასწორო ბრძოლაში, ფეხში დაჭრილი გოჩა სისხლის უკანასკნელ წვეთამდე ებრძოდა დაქირავებულ ბოევიკებს. გმირული სიკვდილით დაეცა ბრძოლის ველზე.
გოჩა ანდრიაშვილი სიკვდილის შემდეგ დაჯილდოვდა ვახტანგ გორგასლის I ხარისხის ორდენით.