მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"

ლევთერ  საყვარელია  დაიბადა  1949  წლის   21  ივლისს  , გულრიფშის  რაიონის  სოფელ  მაჭარაში.იქვე დაამთავრა  საშუალო  სკოლა.

   1975  წელს  შექმნა  ოჯახი  ნინელი  საყვარელიასთან  ერთად. შეეძინათ  ორი  შვილი -  პაატა  და  ნანა.

   აფხაზეთში  ომის  დაწყების  შემდეგ  ლევთერი  მეგობრებთან  ერთად  დადგა  სამშობლოს  დამცველთა  გვერდით.  1992  წლის  1  ოქტომბრიდან  ირიცხებოდა  საქართველოს  რესპუბლიკის  თავდაცვის   სამინისტროს  მე-2   საარმიო კორპუსის  23-ე  ბრიგადის  მე-6  სატანკო  ბატალიონის  მე-2  ასეულის   I   ოცეულში  მძღოლ-მექანიკოსად.

   1993  წლის  5   იანვარს  ქალაქ  სოხუმზე  მტრის  შემოტევის  მოგერიების  დროს  ლევთერ  საყვარელია  იმყოფებოდა  მდინარე  გუმისთის  პირას  სოფელ  ქვემო-ეშერასთან -  ბატალიონის  საბრძოლო  პოზიციაზე,რა  დროსაც  ნაღმტყორცნის  ნამსხვრევებისგან  სასიკვდილოდ  დაიჭრა  ბრძოლის  ველზე.

   საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი   გმირობის,  ვაჟკაცობისა  და   თავგანწირვისთვის  ლევთერ  საყვარელია , სიკვდილის  შემდეგ, დაჯილდოვდა  მედლით  „საბრძოლო  დამსახურებისთვის“.

< >