მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"

შოთა  ალექსანდრეს  ძე  ცეცაძე  დაიბადა  1964  წლის   20  აგვისტოს  გულრიფშის  რაიონის  სოფელ  ბაბუშარაში. 

1971-1981  წლებში  სწავლობდა  ბაბუშარის  საშუალო  სკოლაში.  1982  წელს   ჩაირიცხა  თბილისის  პოლიტექნიკურ  ინსტიტუტში ,  რომლის  დამთავრების  შემდეგ  მუშაობა  დაიწყო  სოხუმის  აეროპორტში.

     აფხაზეთში  დაიწყებული  საომარი  მოქმედებების  დროს  შოთა  მეგობრებთან  ერთად  დადგა   სამშობლოს  დამცველთა  რიგებში.1992  წლის  პირველი  ნოემბრიდან  შოთა  ცეცაძე  ირიცხებოდა  საქართველოს   რესპუბლიკის  თავდაცვის  სამინისტროს  მე-2  საარმიო  კორპუსის  23-ე   ბრიგადის  მე-6  სატანკო  ბატალიონის  მე-4  ასეულში,მსროლელის  თანამდებობაზე. იგი, თანამებრძოლებთან  ერთად, ვაჟკაცურად   იგერიებდა  მტრის  შემოტევებს  ბატალიონის  დისლოკაციის  ადგილზე-სოფელ  ქვემო  ეშერასთან.

   აფხაზეთის  დაცემის  შემდეგ  მან  სამსახური  განაგრძო  შინაგან  საქმეთა   სამინისტროს  აფხაზეთის  შსს  სპეცდანიშნულების  ასეულში.  1997   წლის ივლისში  შოთა  ცეცაძე  გმირულად დაიღუპა  გულრიფშის  რაიონში, ერთ-ერთი  საბრძოლო  დავალების  შესრულებისას.