მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
სლავიკ იანქოს ძე ხათხუა დაიბადა 1956 წლის 15 ივლისს ოჩამჩირის რაიონის სოფელ ათარაში. 1974 წელს დაამთავრა გულრიფშის რაიონის სოფელ განახლების საშუალო სკოლა. ცხოვრობდა გულრიფშის რაიონის სოფელ დრანდაში.
აფხაზეთში დაწყებული საომარი მოქმედებების დროს, სლავიკ ხათხუა მეგობრებთან ერთად დადგა სამშობლოს დამცველთა რიგებში. 1992 წლის 20 სექტემბრიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-6 სატანკო ბატალიონის მე-3 ასეულში რიგით მებრძოლად. თანამებრძოლებთან ერთად ვაჟკაცურად იგერიებდა მტრის შემოტევებს ბატალიონის დილოკაციის ადგილზე- სოფელ ქვემო ეშერასთან. საბედისწერო აღმოჩნდა სლავიკ ხათხუასთვის 1993 წლის 4 ივლისი,მე-6 ბატალიონის პირველი ასეულის მეომრებთან ერთად ჩაერთო მტრის სადაზვერვო ჯგუფთან უთანასწორო ბრძოლაში და გმირულად დაიღუპა.
სლავიკ ხათხუას დარჩა მეუღლე და სამი ვაჟი.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის სლავიკ ხათხუა , სიკვდილის შემდეგ ,დაჯილდოვდა ვახტანგ გორგასლის I ხარისხის ორდენით.