მე-2 საარმიო კორპუსი 23-ე ბრიგადა მე-5 ბატალიონი წიგნიდან "საქართველოსთვის"

როლანდ  ტარიელის  ძე  სიდიანი  დაიბადა   1959  წლის  29  ოქტომბერს  გულრიფშში. დაამთავრა  გულრიფშის  რაიონის  სოფელ  განახლების  საშუალო  სკოლა. ომის  დაწყებამდე   მუშაობდა   ბაღმარანის  სამხედრო  ბაზაზე.

   როლანდ  სიდიანი  1992  წლის  დეკემბრიდან  ირიცხებოდა  საქართველოს  რესპუბლიკის  თავდაცვის  სამინისტროს  მე-2   საარმიო  კორპუსის  23-ე  ბრიგადის  მე-5  ბატალიონის  ნაღმტყორცნელი  ბატარეის  პირად   შემადგენლობაში.  აქტიურად  მონაწილეობდა  ბატალიონის  საბრძოლო  ოპერაციებში  გულრიფშის  რაიონში  სოფელ  განახლებაში.  ოჩამჩირის  რაიონის  სოფლების ათარა-არმიანსკაიაში,ათარა  აფხაზსკაიაში,ლაბრასა  და  არაკიჩში.

   როლანდ  სიდიანი  დაიღუპა  სოფელ  განახლებიდან  გამოსვლისას  უთანასწორო  ბრძოლაში,როდესაც  ის   უზრუნველყოფდა,მოსახლეობის  გადასვლას  სოფელ  წებელდის  მიმართულებით.

 საქართველოს  პრეზიდენტის   განკარგულებით  სამშობლოს  ტერიტორიული    მთლიანობისთვის ბრძოლაში  გამოჩენილი  გმირობის, ვაჟკაცობისა  და  თავგანწირვისათვის  როლანდ  სიდიანი,სიკვდილის  შემდეგ, დაჯილდოვდა  ვახტანგ  გორგასლის   II  ხარისხის  ორდენით.